Pakistan: పాకిస్థాన్లో ఘోర విమాన ప్రమాదం.. శిక్షణ విమానం కుప్పకూలి ఇద్దరు పైలట్లు మృతి
ఈ వార్తాకథనం ఏంటి
పాకిస్థాన్లో మరో విమాన ప్రమాదం చోటుచేసుకుంది. సోమవారం ఖైబర్ పఖ్తూన్ఖ్వా ప్రావిన్స్లోని మర్దాన్ సమీపంలో పాకిస్థాన్ వైమానిక దళానికి చెందిన శిక్షణ విమానం కుప్పకూలింది. సాధారణ శిక్షణలో భాగంగా నిర్వహిస్తున్న విమానయాన సమయంలో ఈ ప్రమాదం జరిగినట్లు అధికారులు తెలిపారు. ఈ ఘటనలో విమానంలో ఉన్న ఇద్దరు పైలట్లు అక్కడికక్కడే మృతి చెందారు. మృతులను పాకిస్థాన్ వైమానిక దళానికి చెందిన ఫ్లైట్ లెఫ్టినెంట్ మహ్మద్ ఖాసిమ్ అబ్దుల్లా, పాకిస్థాన్ నౌకాదళానికి చెందిన లెఫ్టినెంట్ తాహా అబ్బాసీగా గుర్తించారు. ప్రమాదానికి గల కారణాలను తెలుసుకునేందుకు వైమానిక దళ ప్రధాన కార్యాలయం ప్రత్యేక దర్యాప్తు కమిటీని ఏర్పాటు చేసినట్లు పాకిస్థాన్ సైన్యం మీడియా విభాగం (ఐఎస్పీఆర్) వెల్లడించింది.
వివరాలు
మృతుల కుటుంబాలకు సంతాపం తెలిపిన ఉప ప్రధాని,విదేశాంగ మంత్రి
ఈ విషాద ఘటనపై పాకిస్థాన్ రక్షణ దళాల అధిపతి,ఆర్మీ చీఫ్ ఫీల్డ్ మార్షల్ ఆసిమ్ మునీర్తో పాటు ఇతర సైనిక విభాగాల అధిపతులు సంతాపం వ్యక్తం చేశారు. ఉప ప్రధాని,విదేశాంగ మంత్రి ఇషాక్ దార్ కూడా ఈ ప్రమాదాన్ని తీవ్ర విషాదకర ఘటనగా అభివర్ణిస్తూ, విధి నిర్వహణలో ప్రాణాలు కోల్పోయిన పైలట్ల సేవలను కొనియాడారు. మృతుల కుటుంబాలకు తన ప్రగాఢ సానుభూతిని తెలిపారు.
వివరాలు
టేకాఫ్ సమయంలో కుప్పకూలిన ఎంఐ-17 హెలికాప్టర్
కాగా,ఇటీవలే పాకిస్థాన్లో మరో వైమానిక ప్రమాదం సంభవించింది. జూన్ 10న సాంకేతిక లోపం కారణంగా ముజఫరాబాద్ సమీపంలో పాకిస్థాన్ ఆర్మీకి చెందిన ఎంఐ-17 హెలికాప్టర్ టేకాఫ్ సమయంలో కుప్పకూలింది. ఆ ఘటనలో హెలికాప్టర్లో ప్రయాణిస్తున్న 22 మంది సైనిక సిబ్బంది ప్రాణాలు కోల్పోయారు. వారిలో ఒక కల్నల్, ఇద్దరు మేజర్ హోదా అధికారులు, 19 మంది జవాన్లు ఉన్నట్లు భద్రతా వర్గాలు వెల్లడించాయి.
ట్విట్టర్ పోస్ట్ చేయండి
విమానం కుప్పకూలిన వీడియో ఇదే..
Pakistan Air Force trainer aircraft crashes near Mardan, two pilots dead.
— Sonam Mahajan (@AsYouNotWish) June 15, 2026
Civilians injuries also reported. pic.twitter.com/0fiix15r8C