పాకిస్థాన్‌లో దారుణం.. 45మంది ఉపాధ్యాయురాళ్లపై ప్రిన్సిపాల్ అత్యాచారం
విద్యార్థులకు పాఠాలు చెప్పి వారిని సన్మార్గంలో నపడించాల్సిన ఉపాధ్యాయుడు కామాంధుడయ్యాడు. తోటి టీచర్ల పట్ల దారుణంగా వ్యవహరించాడు. పాఠశాలలో పనిచేస్తున్న దాదాపు 45మంది మహిళా టీచర్లపై అత్యాచారం చేసి చివరికి అరెస్ట్ అయ్యాడు. ఈ ఘటన పాకిస్థాన్ కరాచీలోని గుల్షన్-ఏ-హదీద్‌లో గల ఒక ప్రైవేట్ పాఠశాలలో జరిగింది. ప్రిన్సిపాల్ ఇర్ఫాన్ గఫూర్ మెమన్ మొత్తం 45మందికి పైగా మహిళా టీచర్లపై లైంగిక వేధింపులకు పాల్పడినట్లు పోలీసులు అభియోగాలు మోపారు. టీచర్లపై అత్యాచారం చేసిన తర్వాత ఆ వీడియో రికార్డు ఆయిన సీసీటీవీ ఫుటేజీని ఉపయోగించి వారిని బ్లాక్ మెయిల్ చేసేవాడని పోలీసులు తెలిపారు. సీసీటీవీ వీడియో రికార్డర్‌తో పాటు, ఇర్ఫాన్ ఫోన్ నుంచి దాదాపు 25 వీడియో క్లిప్‌లను పోలీసులు స్వాధీనం చేసుకున్నారు.
