Iran-Russia: పశ్చిమాసియా ఉద్రిక్తతల మధ్య మాస్కోలో పుతిన్తో ఇరాన్ విదేశాంగ మంత్రి భేటీ?
ఈ వార్తాకథనం ఏంటి
ఇరాన్ విదేశాంగ మంత్రి అబ్బాస్ అరాగ్చీ త్వరలో రష్యా పర్యటనకు వెళ్లనున్నారు. ఈ సందర్భంగా రష్యా అధ్యక్షుడు వ్లాదిమిర్ పుతిన్తో ఆయన కీలక భేటీ నిర్వహించనున్నారు. సోమవారం మాస్కోలో ఈ సమావేశం జరగనున్నట్లు రష్యా ప్రభుత్వ మీడియా వెల్లడించింది. పశ్చిమాసియాలో నెలకొన్న ఉద్రిక్త పరిస్థితుల నేపథ్యంలో ఈ భేటీకి ప్రత్యేక ప్రాధాన్యం ఏర్పడింది. ఈ సమావేశానికి పుతిన్ సిద్ధమవుతున్నారని క్రెమ్లిన్ ప్రతినిధి దిమిత్రి పెస్కోవ్ తెలిపారు. అయితే ఈ చర్చల కార్యక్రమంపై పూర్తి వివరాలు వెల్లడించలేదు. మరోవైపు రష్యాలోని ఇరాన్ రాయబారి కజేమ్ జలాలీ మాట్లాడుతూ, ఈ భేటీలో అమెరికాతో జరుగుతున్న తాజా చర్చల పరిస్థితులు, కాల్పుల విరమణ అంశాలు, అలాగే ప్రాంతీయ పరిణామాలపై విస్తృతంగా చర్చలు జరగనున్నట్లు వెల్లడించారు.
వివరాలు
పాకిస్థాన్కు అరాగ్చీ
ఇస్లామాబాద్ నుంచి అరాగ్చీ ఇప్పటికే రష్యా బయలుదేరినట్లు ఇరాన్ విదేశాంగ శాఖ తెలిపింది. ఇదిలా ఉండగా, అమెరికా ప్రతినిధుల రాకకు ముందుగానే శనివారం ఇస్లామాబాద్ నుంచి ఒమన్కు వెళ్లిన అరాగ్చీ, అనంతరం తిరిగి పాకిస్థాన్కు చేరుకున్నారు. అమెరికా ప్రతినిధుల పర్యటన వాయిదా పడిన నేపథ్యంలో ఆయన తిరిగి పాకిస్థాన్కు రావడం ప్రాధాన్యం సంతరించుకుంది. అయితే రష్యా పర్యటనకు ముందు ఆయన మళ్లీ పాకిస్థాన్కు వెళ్లడానికి గల కారణాలపై స్పష్టత ఇంకా రాలేదు.