LOADING...
Vladimir Putin: పుతిన్‌ భారత్ పర్యటన ముందే రష్యా కీలక నిర్ణయానికి ఆమోదం 
పుతిన్‌ భారత్ పర్యటన ముందే రష్యా కీలక నిర్ణయానికి ఆమోదం

Vladimir Putin: పుతిన్‌ భారత్ పర్యటన ముందే రష్యా కీలక నిర్ణయానికి ఆమోదం 

వ్రాసిన వారు Jayachandra Akuri
Nov 29, 2025
10:32 am

ఈ వార్తాకథనం ఏంటి

రష్యా అధ్యక్షుడు వ్లాదిమిర్‌ పుతిన్‌ (Vladimir Putin) మరికొన్ని రోజుల్లో భారత పర్యటన చేయనున్న నేపథ్యంలో మాస్కో కీలక నిర్ణయానికి దిగింది. భారత్‌తో కుదిరిన సైనిక ఒప్పందాన్ని రష్యా పార్లమెంట్‌ ఆమోదించేందుకు సిద్ధమవుతున్నట్లు సమాచారం. అధికార వర్గాలు త్వరలోనే ఈ విషయాన్ని ప్రకటించనున్నాయని అంతర్జాతీయ మాధ్యమాలు వెల్లడించాయి. ఈ ఒప్పందం అమల్లోకి వస్తే, రక్షణ రంగంలో భారత్‌-రష్యాల మధ్య సహకారం మరింత బలోపేతం అవనుంది. ఈ ఏడాది ఆరంభంలో రెండు దేశాలు ఈ సైనిక ఒప్పందాన్ని కుదుర్చుకున్న విషయం తెలిసిందే.

Details

 డిసెంబరు 4-5 తేదీల్లో భారత్‌ లో పర్యటన

రష్యా రక్షణ మంత్రి అలెగ్జాండర్‌ ఫోమిన్‌, భారత రాయబారి వినయ్‌కుమార్‌లు సంబంధిత పత్రాలపై సంతకాలు కూడా చేశారు. ఇక పుతిన్‌ డిసెంబరు 4-5 తేదీల్లో భారత్‌ పర్యటించనున్నట్లు క్రెమ్లిన్‌ అధికారిక ప్రకటనలో వెల్లడించింది. ప్రధాని నరేంద్ర మోదీ (PM Modi) ఆహ్వానం మేరకు ఆయన ఈ పర్యటన చేపట్టనున్నారు. ఈ సందర్భంగా మోదీ-పుతిన్‌ల మధ్య ద్వైపాక్షిక భేటీ జరగనుంది. పుతిన్‌ గౌరవార్థం రాష్ట్రపతి ద్రౌపదీ ముర్ము ప్రత్యేక విందు ఏర్పాటు చేయనున్నారు. ఈ పర్యటనలో ఇరుదేశాల మధ్య పలువురు కీలక ఒప్పందాలు కుదిరే అవకాశమున్నట్లు ప్రభుత్వ వర్గాలు అంచనా వేస్తున్నాయి.

Advertisement