Chernobyl Reactor: రష్యా డ్రోన్ దాడిలో చెర్నోబిల్ అణు రియాక్టర్ ధ్వంసం
ఈ వార్తాకథనం ఏంటి
రష్యా డ్రోన్ చెర్నోబిల్ అణు విద్యుత్ కేంద్రంలోని రియాక్టర్‌ను ఢీకొట్టింది, దీని వల్ల రియాక్టర్‌పై రక్షణ కవచం దెబ్బతింది. ఉక్రెయిన్ అధ్యక్షుడు వోల్డోమిర్ జెలెన్‌స్కీ ప్రకారం, ఈ దాడిని రష్యాకు చెందిన డ్రోన్ చేసి ఉండొచ్చని అంచనా. డ్రోన్, రియాక్టర్‌లోని నాలుగవ పవర్ యూనిట్‌ను ఢీకొట్టినట్లు సమాచారం. ఈ ప్రభావంతో మంటలు చెలరేగాయి, అయితే సిబ్బంది వాటిని వెంటనే అదుపులోకి తెచ్చారు. శుక్రవారం ఉదయానికి చెర్నోబిల్ అణు కేంద్రం చుట్టుపక్కల రేడియేషన్ స్థాయిలో ఎటువంటి పెరుగుదల లేదని జెలెన్‌స్కీ తెలిపారు. ప్రమాదం జరిగిన వెంటనే భద్రతా సిబ్బంది, అత్యవసర సేవలు సంఘటనా ప్రదేశానికి చేరుకున్నాయని అంతర్జాతీయ అణుశక్తి సంస్థ (IAEA) స్పష్టం చేసింది.
వివరాలు
అప్రమత్తమైన అంతర్జాతీయ అణుశక్తి సంస్థ
అదనంగా, ఈ ఘటనలో ఎటువంటి ప్రాణ నష్టం సంభవించలేదని వెల్లడించింది. చెర్నోబిల్ రియాక్టర్ లోపల, బయట రేడియేషన్ స్థాయిలు ప్రస్తుతం సాధారణంగానే ఉన్నట్లు ఐఏఈఏ ప్రకటించింది. ఈ ఘటనను దృష్టిలో ఉంచుకొని అంతర్జాతీయ అణుశక్తి సంస్థ అప్రమత్తమైంది. భద్రత విషయంలో ఎలాంటి నిర్లక్ష్యానికి అవకాశం ఇవ్వడం లేదని ఆ సంస్థ డైరెక్టర్ జనరల్ రఫేల్ మారియానో గ్రోసీ తెలియజేశారు. 1986లో చెర్నోబిల్‌లో సంభవించిన ఘోర అణు ప్రమాదం పెనుస్థాయిలో నష్టం కలిగించిందని ఆయన గుర్తుచేశారు. ఈ దాడి కారణంగా రియాక్టర్‌పై ఉన్న స్టీల్, కాంక్రీట్ షీల్డ్ దెబ్బతిన్న ఫోటోను జెలెన్‌స్కీ తన అధికారిక సోషల్ మీడియా ఖాతాలో పోస్ట్ చేశారు.