Trump Florida shooting: డొనాల్డ్ ట్రంప్ హత్యాయత్నం కేసులో కీలక ఆధారాలు.. నెల ముందు నుంచే స్కెచ్‌!
అమెరికా మాజీ అధ్యక్షుడు డొనాల్డ్ ట్రంప్‌పై ఇటీవల జరిగిన హత్యాయత్నం ఘటనకు సంబంధించి కొన్ని కీలక అంశాలు వెల్లడయ్యాయి. ట్రంప్‌ను హత్య చేయాలనే ఉద్దేశ్యంతో ర్యాన్ రౌత్ అనే నిందితుడు కొన్ని నెలల క్రితం లేఖ రాసినట్లు అమెరికా ప్రాసిక్యూటర్లు తెలిపారు. ఆ లేఖలో, నిందితుడు తన ఉద్దేశాలను వివరించాడు. దాడికి ముందు, అతను మందుగుండు సామగ్రి, మెటల్ పైపు, ఇతర నిర్మాణ సామగ్రి, నాలుగు ఫోన్లు ఉన్న బాక్స్‌ను గుర్తు తెలియని వ్యక్తి ఇంటి ముందుగా ఉంచినట్లు ప్రాసిక్యూటర్లు వెల్లడించారు. ట్రంప్‌పై హత్యాయత్నం ఘటన వెలుగులోకి వచ్చాక.. ఆ గుర్తు తెలియని వ్యక్తి బాక్స్‌ను తెరవగా అందులో ఈ లేఖ బయటపడినట్లు తెలిపారు.
ట్రంప్ ను హత్య చేసిన వారికి 150,000 డాలర్లు
ఆ లేఖలో.. "ఇది డొనాల్డ్ ట్రంప్‌పై హత్యాప్రయత్నం. కానీ ఇది విఫలమైంది. నేను నా వంతు ప్రయత్నం చేశాను. ఇందులో నేను సేకరించిన అన్ని ఇందులో ఉన్నాయి. ఇక, ట్రంప్‌ను అంతం చేయడం మీ ఇష్టం. ట్రంప్ ను హత్య చేసిన వారికి 150,000 డాలర్లు అందిస్తాను" అని పేర్కొన్నాడు. దీనితో పాటు, ఇరాన్‌తో ట్రంప్ సంబంధాలను "చిన్నపిల్లల మాదిరిగానే" ముగించారని కూడా ఆ లేఖలో పేర్కొన్నాడు. సెప్టెంబర్ 15న, ట్రంప్ వెస్ట్ పామ్ బీచ్ కోర్స్‌లో గోల్ఫ్ ఆడుతున్న సమయంలో,నిందితుడు ర్యాన్ రౌత్ అక్కడే సంచరిస్తూ హత్యాయత్నం చేశాడు. అయితే,సెక్యూరిటీ సిబ్బంది అప్రమత్తమై ట్రంప్‌ను కాపాడిన విషయం తెలిసిందే. 58ఏళ్ల నిందితుడిపై రెండు కేసులు నమోదు అయ్యాయి.వీటిపై అతను విచారణ ఎదుర్కొనబోతున్నాడు.
