Saudi Aramco: చమురు కేంద్రంపై దాడి.. ప్రపంచ మార్కెట్లలో ఆందోళన
ఈ వార్తాకథనం ఏంటి
ఇరాన్ చేపడుతున్న ప్రతీకార చర్యలతో పశ్చిమాసియా ప్రాంతం ఉద్రిక్తంగా మారింది. తాజా పరిణామాల్లో, సౌదీ అరేబియాలోని అతిపెద్ద చమురు శుద్ధి కేంద్రాల్లో ఒకటైన సౌదీ అరామ్కో (Saudi Aramco)కు చెందిన రిఫైనరీపై డ్రోన్ దాడి జరిగినట్లు సమాచారం వెలువడింది. రాస్ తనురాలో ఉన్న ఈ కీలక కేంద్రాన్ని ఇరాన్ వినియోగిస్తున్న షాహెద్-136 డ్రోన్తో లక్ష్యంగా చేసుకున్నట్లు అంతర్జాతీయ మీడియా కథనాలు చెబుతున్నాయి. దాడి అనంతరం రిఫైనరీ పరిసరాల్లో భారీ మంటలు ఎగిసిపడ్డాయి. ఈ ఘటనకు సంబంధించిన వీడియోలు, చిత్రాలు సామాజిక మాధ్యమాల్లో వేగంగా వ్యాపించాయి. పరిస్థితి తీవ్రత దృష్ట్యా రిఫైనరీ కార్యకలాపాలను తాత్కాలికంగా నిలిపివేసినట్లు సమాచారం. అయితే, ప్రస్తుతం అగ్నిమాపక సిబ్బంది మంటలను అదుపులోకి తెచ్చినట్లు తెలుస్తోంది.
వివరాలు
యుద్ధ ప్రభావంతో అంతర్జాతీయ మార్కెట్లో పెరుగుతున్న చమురు ధరలు
ఈ ఘటనలో ప్రాణనష్టం లేదా ఆస్తినష్టం ఎంత మేర జరిగిందన్న విషయంపై అధికారిక వివరాలు ఇంకా వెల్లడికాలేదు. ఇప్పటికే కొనసాగుతున్న యుద్ధ ప్రభావంతో అంతర్జాతీయ మార్కెట్లో చమురు ధరలు పెరుగుతున్నాయి. చమురు రవాణాకు అత్యంత ప్రాధాన్యమైన హార్ముజ్ జలసంధి (Strait of Hormuz)లో నౌకల రాకపోకలను ఇరాన్ అడ్డుకోవడంతో ధరలు దాదాపు 10 శాతం వరకు ఎగిశాయి. ప్రస్తుతం గ్లోబల్ మార్కెట్లో బ్యారెల్ ముడి చమురు ధర 80 డాలర్లను దాటింది. తాజా దాడుల నేపథ్యంలో ధరలు మరింత పెరిగే అవకాశం ఉందని మార్కెట్ వర్గాలు అంచనా వేస్తున్నాయి. దీంతో ప్రపంచవ్యాప్తంగా ఆర్థిక రంగంలో ఆందోళన వ్యక్తమవుతోంది.
వివరాలు
కువైట్లోని అమెరికా ఎంబసీపై డ్రోన్ దాడి
ఇక మరోవైపు, పశ్చిమాసియా దేశాలపై ఇరాన్ ప్రతీకార దాడులు కొనసాగుతున్నాయి. ముఖ్యంగా ఆ దేశాల్లో ఉన్న అమెరికా సైనిక స్థావరాలనే లక్ష్యంగా చేసుకుని టెహ్రాన్ డ్రోన్ దాడులు జరుపుతున్నట్లు సమాచారం. కువైట్లోని అమెరికా ఎంబసీపై డ్రోన్ దాడి జరిగినట్లు వార్తలు వచ్చాయి. అదే సమయంలో దుబాయ్, దోహా, అబుదాబి, జెరూసలెం నగరాల్లో ఈ ఉదయం పేలుడు శబ్దాలు వినిపించినట్లు స్థానిక వర్గాలు వెల్లడించాయి.
ట్విట్టర్ పోస్ట్ చేయండి
సౌదీ అరామ్కో రిఫైనరీ లక్ష్యంగా దాడులు
Suudi Arabistan’ın en büyük petrol tesislerinden biri olan ARAMCO vuruldu. Üretim durdurulurken, saldırının İran tarafından yapıldığı iddia edildi.#ANTvFB Hep Tatil Mutluluğu Iran #HakHukukKademe #TelAviv #KüreselLiderErdoğan Trump Amerika #bist100 pic.twitter.com/Z8htDSxiX8
— Tura Türk (@turamedyaresmi) March 2, 2026