Sydney : సిడ్నీలో దారుణం...షాపింగ్ మాల్ లో కత్తితో దాడి చేసిన వ్యక్తి...ఆరుగురు మృతి
ఈ వార్తాకథనం ఏంటి
ఆస్ట్రేలియాలోని సిడ్నీ నగరంలో దారుణం చోటుచేసుకుంది.
ఓ వ్యక్తి కత్తితో విచక్షణారహితంగా దాడి చేసి ఆరుగురిని పొట్టనబెట్టుకున్నాడు.
శనివారం జరిగిన ఈ ఘటన వివరాలిలా ఉన్నాయి.
సిడ్నీలోని ఓ షాపింగ్ సెంటర్ లో కత్తితో చొరబడిన ఓ దుండగుడు కనిపించిన వారిని కనిపించినట్లుగా విచక్షణారహితంగా దాడి చేసి గాయపరిచాడు.
ఈ ఘటనలో ఆరుగురు చనిపోగా పలువురు తీవ్రంగా గాయపడ్డారు.
కత్తితో దాడికి పాల్పడిన వ్యక్తి ని మహిళా పోలీసు అధికారి కాల్చి చంపారు.
సిడ్నీలో ని వెస్ట్‌ఫీల్డ్ బోండి జంక్షన్ మాల్ కాంప్లెక్స్‌లో శనివారం మధ్యాహ్నం దుకాణదారులతో కిక్కిరిసి ఉండగా ఈ ఘటన జరిగినట్లు తెలుస్తోంది.
ఘటన సమాచారం అందుకున్న పోలీసులు వెంటనే అక్కడ చేరుకుని క్షతగాత్రులను చికిత్స నిమిత్తం ఆస్పత్రికి తరలించారు.
Stabbed in Sydney mall
క్షతగాత్రులను ఆస్పత్రికి తరలించిన పోలీసులు
కాగా ఆస్పత్రిలో చికిత్స పొందుతూ ఒకరు మరణించినట్లు న్యూ సౌత్ వేల్స్ పోలీస్ అధికారి కుక్ మీడియాకు వెల్లడించారు.
అయితే ఈ దాడి వెనుక కుట్ర దాగి ఉందేమోన నే కోణంలో పోలీసులు దర్యాప్తు చేస్తున్నారు.
అయితే ఈ ఘటనపై ఉగ్రవాదుల ప్రమేయాన్ని కూడా తోసిపుచ్చలేమని ఆ అధికారి తెలిపారు.
ఈ దాడిలో గాయపడిన ఎనిమిది మందిని వేర్వేరు ఆస్పత్రులకు తరలించామని, ఇందులో చిన్నారులు కూడా ఉన్నారని ఆయన చెప్పారు.
సెక్యూరిటీ కెమెరా ఫుటేజీలో ఆస్ట్రేలియన్ రగ్బీ లీగ్ జెర్సీ ధరించిన ఓ వ్యక్తి పెద్ద కత్తితో షాపింగ్ సెంటర్ చుట్టూ పరుగెత్తడం, గాయపడిన వ్యక్తులు నేలపై విగతజీవిగా పడి ఉండటాన్ని స్థానిక మీడియా ప్రసారం చేసింది.