Putin: ఉక్రెయిన్‌లో కొత్త ప్రభుత్వం ఏర్పడితేనే యుద్ధానికి ముగింపు : పుతిన్
ఈ వార్తాకథనం ఏంటి
ఉక్రెయిన్‌-రష్యా మధ్య యుద్ధాన్ని ముగించేందుకు అమెరికా మధ్యవర్తిత్వంతో చర్చలు జరుగుతున్న సంగతి తెలిసిందే.
ఈ క్రమంలో రష్యా అధ్యక్షుడు వ్లాదిమిర్ పుతిన్ (Vladimir Putin) కీలక వ్యాఖ్యలు చేశారు. ఉక్రెయిన్‌లో ప్రస్తుత జెలెన్‌స్కీ ప్రభుత్వంతో చర్చలు జరిపే ఉద్దేశ్యం తనకు లేదని పరోక్షంగా స్పష్టం చేశారు.
అంతేకాదు అక్కడ తాత్కాలిక ప్రభుత్వం ఏర్పడాల్సిన అవసరం ఉందని అభిప్రాయపడ్డారు.
ఈ పరిణామమే యుద్ధ ముగింపునకు మార్గం సుగమం చేస్తుందని పుతిన్ సూచించారు.
Details
తాత్కాలిక ప్రభుత్వంతోనే పరిష్కారం
ఉక్రెయిన్‌లో ఐక్యరాజ్యసమితి పర్యవేక్షణలో తాత్కాలిక ప్రభుత్వం ఏర్పాటయ్యేలా చూడాలి. అప్పుడే ఆ దేశంలో కొత్త ఎన్నికలు నిర్వహించేందుకు అనువుగా ఉంటుంది.
ప్రజల విశ్వాసాన్ని పొందిన కొత్త ప్రభుత్వంతోనే శాంతి పునరుద్ధరణ కోసం చర్చలు జరిపేందుకు తాము సిద్ధంగా ఉంటామన్నారు.
అంతర్జాతీయ సమాజం గుర్తించే ఆ కొత్త ప్రభుత్వంతో యుద్ధ ముగింపుకు అవసరమైన 'చట్టబద్ధ పత్రాల'పై సంతకం చేయాలని పుతిన్ వ్యాఖ్యానించారు.