Ukraine: ఉక్రెయిన్కే పేట్రియాట్ క్షిపణి రక్షణ వ్యవస్థల తయారీకి అమెరికా గ్రీన్సిగ్నల్
ఈ వార్తాకథనం ఏంటి
రష్యా నుంచి కొనసాగుతున్న క్షిపణి దాడులతో తీవ్ర ఒత్తిడిని ఎదుర్కొంటున్న ఉక్రెయిన్కు అమెరికా అధ్యక్షుడు డొనాల్డ్ ట్రంప్ కీలక భరోసా ఇచ్చారు. శత్రు క్షిపణులను సమర్థంగా అడ్డుకునే పేట్రియాట్ గగనతల రక్షణ వ్యవస్థలను స్వదేశంలోనే తయారు చేసుకునేలా ఉక్రెయిన్కు ఉత్పత్తి లైసెన్సు మంజూరు చేయనున్నట్లు వెల్లడించారు. తుర్కియేలో జరిగిన నాటో శిఖరాగ్ర సమావేశం సందర్భంగా బుధవారం ట్రంప్-ఉక్రెయిన్ అధ్యక్షుడు వోలోదిమిర్ జెలెన్స్కీ మధ్య ప్రత్యేక సమావేశం జరిగింది. ఈ సందర్భంగా పేట్రియాట్ వ్యవస్థల తయారీకి అవసరమైన లైసెన్సును ఇవ్వడమే కాకుండా, వాటి ఉత్పత్తి విధానంపై కూడా సాంకేతిక సహకారం అందిస్తామని ట్రంప్ జెలెన్స్కీకి హామీ ఇచ్చారు.
వివరాలు
ట్రంప్ కీలక వ్యాఖ్యలు..
ఇప్పటికే పేట్రియాట్ రక్షణ వ్యవస్థలను పెద్ద సంఖ్యలో అందించాలని అమెరికాను ఉక్రెయిన్ చాలా కాలంగా కోరుతోంది. ఇటీవల వాటిని స్వయంగా తయారు చేసుకునేందుకు అవసరమైన ఉత్పత్తి లైసెన్సును కూడా మంజూరు చేయాలని జెలెన్స్కీ ప్రత్యేకంగా విజ్ఞప్తి చేసిన విషయం తెలిసిందే. ఈ పరిణామాల మధ్య జెలెన్స్కీతో తనకు సాన్నిహిత్యపూర్వక సంబంధాలు ఏర్పడ్డాయని ట్రంప్ తాజాగా వ్యాఖ్యానించడం ప్రాధాన్యం సంతరించుకుంది.