Donald Trump: చైనాతో స్నేహ సంబంధాలే కోరుకుంటా.. అయినా 155 శాతం టారిఫ్ ల అమలు తప్పేలా లేదు..
ఈ వార్తాకథనం ఏంటి
చైనాతో స్నేహంగా ఉండాలనే తాను కోరుకుంటున్నానని అమెరికా అధ్యక్షుడు డొనాల్డ్ ట్రంప్ పేర్కొన్నారు. నేను చైనాతో స్నేహపూర్వకంగా ఉండాలనుకుంటున్నా, ఇది నా వ్యక్తిగత అభిప్రాయం మాత్రమే. అధ్యక్షుడిగా ఆలోచిస్తే, కఠినంగా ఉండక తప్పని పరిస్థితులు నెలకొన్నాయని ఆయన వివరించారు. చైనా, అమెరికా మధ్య ఆర్థిక లావాదేవీలు కొన్నేళ్లుగా ఒకే పక్షానికి అనుకూలంగా సాగుతున్నాయి. దీన్ని ఇక కొనసాగించలేమని, తాము చైనా పట్ల కఠినంగా వ్యవహరించాల్సిన అవసరం వచ్చే అవకాశం ఉందని చెప్పారు. చైనా ప్రవర్తన కారణంగా, ఆయన ఇప్పటికే విధించిన 155 శాతం టారిఫ్‌లను అమలు చేయక తప్పని పరిస్థితి నెలకొన్నట్లు తెలిపారు. వచ్చే నెల 1 నుంచి ఈ టారిఫ్‌లు అమల్లోకి వచ్చే విధంగా ట్రంప్ స్పష్టంగా తెలిపారు.
వివరాలు
మెరికాతో జరిగిన లావాదేవీలలో ఎంతో లాభాన్ని పొందిన చైనా
మాజీ అధ్యక్షులు విదేశీ దేశాలతో చేసిన వ్యాపార లావాదేవీల విషయంలో సరైన జాగ్రత్తలు తీసుకోలేదని ట్రంప్ విమర్శించారు. చైనా సహా ప్రపంచంలోని అనేక దేశాలు అమెరికాతో జరిగిన లావాదేవీలలో ఎంతో లాభాన్ని పొందినట్టు తెలిపారు. మాజీ అధ్యక్షుల ఉదారత్వాన్ని,అమెరికాకు నష్టాన్నే కలిగించే అవకాశం తీసుకున్నారని,ఈ నష్టాన్ని పూరించడానికి తాను ఇప్పుడు టారిఫ్‌లను విధిస్తున్నానని పేర్కొన్నారు. "మాతో వ్యాపారం చేసి ఎంతో లాభపడ్డ చైనా,ఇప్పుడు ఆ దేశంలోని అరుదైన ఖనిజాల ఎగుమతులపై ఆంక్షలు విధించేందుకు ప్రయత్నిస్తోంది.దీన్ని నేను ఎప్పుడూ అనుమతించను.చైనా తన ప్రవర్తనను మార్చకుంటే,నవంబర్ 1 నుండి అమెరికాలోకి చైనా నుండి దిగుమతయ్యే వస్తువులపై 155 శాతం పన్ను విధిస్తాం.ఇంత భారీ పన్ను చెల్లించడం చైనా ఎగుమతిదారులకు సులభం కాదు" అని ట్రంప్ పేర్కొన్నారు.