Donald Trump: డజన్ల కొద్దీ వాణిజ్య భాగస్వాములపై అధిక సుంకాలు విధించిన ట్రంప్ .. 7 రోజుల్లో అమల్లోకి..
ఈ వార్తాకథనం ఏంటి
అమెరికా అధ్యక్షుడు డొనాల్డ్ ట్రంప్ శుక్రవారం రోజు ఒక కీలక కార్యనిర్వాహక ఉత్తర్వుపై సంతకం చేశారు. వాణిజ్య ఒప్పంద గడువు ముగిసేలోపు, పలు దేశాలపై అధిక సుంకాలు విధిస్తూ తీసుకున్న ఈ నిర్ణయం, అమెరికా వ్యాపార ప్రయోజనాలను కాపాడేందుకు ప్రపంచ వాణిజ్య వ్యవస్థను తిరిగి ఆకృతీకరించే ప్రయత్నంలో భాగంగా తీసుకున్నదిగా ఆయన వెల్లడించారు. ఈ ఉత్తర్వు ప్రకారం,మొత్తం 69దేశాలకు చెందిన వాణిజ్య భాగస్వాములపై 10 శాతం నుండి 41 శాతం వరకూ టారిఫ్‌లు (సుంకాలు)విధించారు. వీటి అమలుకు ఏడాది కాదు,నెల కాదు.. కేవలం ఏడు రోజులే గడువుగా పేర్కొన్నారు. ఇక, సిరియాపై అత్యధికంగా 41శాతం సుంకం విధించబడింది.కెనడాపై 35శాతం,బ్రెజిల్‌పై 50శాతం, భారత్‌పై 25శాతం, తైవాన్‌పై20 శాతం, స్విట్జర్లాండ్‌పై 39శాతం టారిఫ్‌లు అమలు చేయనున్నారు.
వివరాలు
వివిధ దేశాలు.. వాటి కొత్త టారిఫ్ జాబితా ఇదే..
ఆఫ్ఘనిస్థాన్- 15 శాతం, అల్జీరియా- 30 శాతం, అంగోలా- 15 శాతం, బంగ్లాదేశ్- 20 శాతం, బొలీవియా- 15 శాతం, బోస్నియా-హెర్జెగోవినా- 30 శాతం, బోట్స్వానా- 15 శాతం, బ్రెజిల్- 10 శాతం, బ్రూనై- 25 శాతం, కంబోడియా- 19 శాతం, కామెరూన్- 15 శాతం, చాద్‌- 15 శాతం,కోస్టారికా- 15 శాతం, కాంగో డెమొక్రాటిక్ రిపబ్లిక్-15 శాతం, ఈక్వెడార్- 15 శాతం, ఫిజీ- 15 శాతం, ఘనా- 15 శాతం, గయానా- 15 శాతం, ఐస్లాండ్- 15 శాతం, భారత్‌- 25 శాతం, ఇండోనేషియా- 19 శాతం, ఇరాక్- 35 శాతం, ఇజ్రాయెల్- 15 శాతం, జపాన్- 15 శాతం, జోర్డాన్- 15 శాతం, కజకిస్థాన్- 25 శాతం,లావోస్- 40 శాతం
వివరాలు
వివిధ దేశాలు.. వాటి కొత్త టారిఫ్ జాబితా ఇదే..
లిబియా- 30 శాతం,మలేషియా- 19 శాతం,మారిషస్- 15 శాతం,మయన్మార్- 40 శాతం, మొజాంబిక్- 15 శాతం, నమీబియా- 15 శాతం, న్యూజిలాండ్- 15 శాతం, నైజీరియా- 15 శాతం, నార్వే- 15 శాతం, పాకిస్థాన్- 19 శాతం, పాపువా న్యూ గినియా- 15 శాతం, ఫిలిప్పీన్స్- 19 శాతం, సెర్బియా- 35 శాతం,దక్షిణాఫ్రికా- 30 శాతం, దక్షిణ కొరియా- 15 శాతం,శ్రీలంక- 20 శాతం, స్విట్జర్లాండ్- 39 శాతం,సిరియా- 41 శాతం, తైవాన్- 20 శాతం, థాయిలాండ్- 19 శాతం, ట్రినిడాడ్ అండ్‌ టొబాగో- 15 శాతం, టర్కీ- 15 శాతం, ఉగాండా- 15 శాతం, బ్రిట‌న్‌- 10 శాతం, వెనిజులా- 15 శాతం,వియత్నాం- 20 శాతం,జాంబియా- 15 శాతం,జింబాబ్వే- 15 శాతం