USA: మధ్యప్రాచ్యానికి చేరుకున్నఅమెరికా B-52 బాంబర్లు
అమెరికా(USA)కు చెందిన బి-52 స్ట్రాటోఫొర్ట్రెస్ భారీ యుద్ధ విమానాలు పశ్చిమాసియాకు చేరుకున్నాయి. ఈ విషయం అమెరికా సైన్యానికి చెందిన సెంట్రల్ కమాండ్ ప్రకటించింది. ఇరాన్‌ను ఎదుర్కొనేందుకు ఈ విమానాలను మోహరించనున్నట్లు అమెరికా తెలిపిన 24 గంటల్లోనే ఇవి గల్ఫ్ ప్రాంతానికి చేరుకోవడం విశేషం. "మినాటో ఎయిర్ బేస్‌లోని 5వ బాంబ్ వింగ్‌కు చెందిన బి-52 స్ట్రాటజిక్ బాంబర్లు ఇప్పుడు సెంట్రల్ కమాండ్ ఏరియాలో ఉన్నాయని" సెంట్ కామ్ ఎక్స్ లో వెల్లడించింది. శుక్రవారం సాయంత్రం ఈ బాంబర్లను ఆ ప్రాంతానికి పంపిస్తున్నట్లు అమెరికా తెలిపింది. వీటితో పాటు ఫైటర్ జెట్లు, ట్యాంకర్ ఎయిర్ క్రాఫ్ట్‌లు, బాలిస్టిక్ మిసైల్స్ కూడా తరలించబడ్డాయి. హెచ్చరించారు.
అగ్రరాజ్యానికి గట్టి సమాధానం చెబుతాం: కమాల్ ఖర్రాజ్
ఈ సందర్భంగా పెంటగాన్ ప్రతినిధి మేజర్ జనరల్ పాట్ రైడర్ మాట్లాడుతూ, "ఇరాన్, దాని మద్దతు సంస్థలు అమెరికా సైన్యం లేదా మా దేశ ప్రయోజనాలను దెబ్బతీయాలని ప్రయత్నిస్తే, వాటిని అడ్డుకుని మా వారిని కాపాడుకోవడానికి అన్ని రకాల చర్యలు తీసుకుంటాం" అని హెచ్చరించారు. అమెరికా బాంబర్ల తరలింపు సమాచారం అందగానే ఇరాన్ తీవ్ర ఆగ్రహం వ్యక్తం చేసింది. అమెరికాకు కట్టుబడి ఉండే అగ్రరాజ్యానికి గట్టి సమాధానం చెబుతామని ఇరాన్ సుప్రీం లీడర్ అలీ ఖమేనీ ప్రకటించారు. తమ అణు విధానాన్ని పునఃపరిశీలించాల్సి ఉంటుందని ఖమేనీ సలహాదారు కమాల్ ఖర్రాజ్ తెలిపారు.
లెబనాన్‌లో అనేక ప్రాంతాల్లో దాడులు
ఈ ప్రకటన తర్వాత, ఇజ్రాయెల్ కమాండోలు లెబనాన్‌లో అనేక ప్రాంతాల్లో దాడులు నిర్వహించారు. లెబనాన్ తీరంలో ఓ హెజ్‌బొల్లా సీనియర్ ఆపరేటివ్‌ను అదుపులోకి తీసుకున్నారు. ఈ దాడులను లెబనాన్ తీవ్రంగా పరిగణించింది మరియు ఐరాసలో ఫిర్యాదు చేసింది. దీనిపై లెబనాన్ సైన్యం మరియు ఐరాస శాంతి పరిరక్షక దళం దర్యాప్తు ప్రారంభించారు.
