Donald Trump: ఉక్రెయిన్‌కి 2వేల తోమహాక్ క్షిపణులు : ట్రంప్ కీలక నిర్ణయం
ఈ వార్తాకథనం ఏంటి
ఉక్రెయిన్‌-రష్యా మధ్య నెలకొన్న యుద్ధానికి ముగింపు పలికే దిశగా అమెరికా అధ్యక్షుడు డొనాల్డ్‌ ట్రంప్ తీవ్రంగా ప్రయత్నిస్తున్నారు. ఉక్రెయిన్‌లో శాంతి నెలకొల్పేందుకు రష్యా అధ్యక్షుడు వ్లాదిమిర్‌ పుతిన్‌ను ఏ మార్గంలోనైనా ఒప్పించాలనే నిర్ణయానికి వచ్చినట్లు సమాచారం. ఈ క్రమంలో భాగంగా ఉక్రెయిన్‌కు సుమారు 2,000 దీర్ఘశ్రేణి తోమహాక్ క్షిపణులు (Tomahawk missiles) అందజేయాలని ట్రంప్ నిర్ణయించినట్టు వెల్లడించారు. ఈ అంశంపై పుతిన్‌తో ఫోన్‌ ద్వారా మాట్లాడినట్టు కూడా ట్రంప్ తెలిపారు.
వివరాలు
ఉక్రెయిన్‌కు దయచేసి తోమహాక్‌లు ఇవ్వండి
పుతిన్‌తో జరిగిన ఫోన్‌కాల్‌ వివరాలను విలేకరుల సమావేశంలో ట్రంప్ స్వయంగా వెల్లడించారు. ఈ సందర్భంగా ఒక విలేకరి "ఉక్రెయిన్‌కు తోమహాక్ క్షిపణులు ఇవ్వొద్దని పుతిన్‌ మిమ్మల్ని కోరారా?" అని అడిగారు. దానికి ట్రంప్ వ్యంగ్యంగా స్పందిస్తూ, 'ఉక్రెయిన్‌కు దయచేసి తోమహాక్‌లు ఇవ్వండి. నేను దాన్ని అభినందిస్తున్నా' అని పుతిన్‌(Vladimir Putin) అంటాడు అని మీరు అనుకుంటున్నారా? అంటూ వ్యంగ్యాస్త్రాలు విసిరారు. అనంతరం "మీ ప్రత్యర్థి దేశానికి 2,000 తోమహాక్ క్షిపణులు ఇస్తే మీకేం అభ్యంతరం ఉండదా?" అని తాను పుతిన్‌ను ఎదురుగా అడిగానని చెప్పారు. దానికి పుతిన్‌ తీవ్రంగా అభ్యంతరం తెలిపినట్టు ట్రంప్ వివరించారు.
వివరాలు
రష్యా-ఉక్రెయిన్‌ యుద్ధానికి ముగింపే ప్రధాన లక్ష్యం: ట్రంప్
"నేను నిజంగానే అలాగే అన్నాను.ఆ ఆలోచన పుతిన్‌కు అస్సలు నచ్చలేదు.తోమహాక్ ఒక అత్యంత విధ్వంసకరమైన ఆయుధం. ఇలాంటి దీర్ఘశ్రేణి క్షిపణులు తమ దేశంపై ప్రయోగించాలనుకోవడం ఎవరైనా సమ్మతిస్తారా?" అని ట్రంప్ అన్నారు. ఈ ఫోన్‌కాల్‌లో తోమహాక్ క్షిపణుల అంశం చర్చకు వచ్చిందని క్రెమ్లిన్‌ సహాయకుడు యూరి ఉషాకోవ్‌ ధృవీకరించారు. ఉక్రెయిన్‌కు ఈ క్షిపణులు అందించడం అమెరికా-రష్యా సంబంధాలకు తీవ్ర దెబ్బతీస్తుందని పుతిన్‌ స్పష్టంగా పేర్కొన్నారని తెలిపారు. ఇక పుతిన్‌తో అద్భుతమైన సంభాషణ జరిగిందని ట్రంప్ ట్రూత్‌ సోషల్‌ వేదికగా వెల్లడించారు. త్వరలో హంగేరీ రాజధాని బుడాపెస్ట్‌లో పుతిన్‌ను ప్రత్యక్షంగా కలవబోతున్నట్టు తెలిపారు. అక్కడ జరిగే సమావేశంలో రష్యా-ఉక్రెయిన్‌ యుద్ధానికి ముగింపు దిశగా చర్యలు తీసుకోవాలన్నదే తన ప్రధాన లక్ష్యమని ట్రంప్ స్పష్టం చేశారు.