US: ఆఫ్రికా దేశాలకు అమెరికా హెచ్చరిక.. వలసదారుల కోసం వీసాల నిలిపివేత
ఈ వార్తాకథనం ఏంటి
అమెరికా అధ్యక్షుడిగా డొనాల్డ్ ట్రంప్ బాధ్యతలు చేపట్టినప్పటి నుంచి అక్రమ వలసదారులపై గట్టిగా చర్యలు తీసుకుంటున్నారు.
పత్రాలు లేకుండా అమెరికాలో నివసిస్తున్న వారిని గుర్తించి, స్వదేశాలకు పంపించే ప్రక్రియను వేగవంతం చేశారు. ఇటీవ‌ల అమెరికాలో అక్రమంగా ప్రవేశించిన ఆఫ్రికా దేశాల పౌరులను తిరిగి పంపారు.
కొంతమంది ఆఫ్రికా దేశాలు తమ పౌరులను తిరిగి స్వీకరించేందుకు నిరాకరించడంతో ట్రంప్ ఆగ్రహం వ్యక్తం చేశారు.
అమెరికాకు వచ్చిన ఆయా దేశాల పౌరులకు ఎలాంటి సమాచారం ఇవ్వకుండా వారి వీసాలను రద్దు చేయడానికి ట్రంప్ యంత్రాంగం చర్యలు ప్రారంభించింది.
ఇమిగ్రేషన్ చట్టాలను గట్టి చేస్తూ, వాటి అమలును మరింత వేగంగా చేయడంలో భాగంగా ఈ నిర్ణయాలు తీసుకున్నట్లు అమెరికా విదేశాంగ కార్యదర్శి మార్కో రూబియో శనివారం తెలిపారు.
Details
8,000 మంది అక్రమ వలసదారులు అరెస్టు
డిపోర్టేషన్ విషయంలో సహకరించకపోతే తాము ఎలా స్పందిస్తామనే ఉదాహరణగా, దక్షిణ సూడాన్‌కు చెందిన వారి వీసా అపాయింట్‌మెంట్లను రద్దు చేశామని, కొత్త వీసాల మంజూరు ప్రక్రియను తాత్కాలికంగా నిలిపివేస్తున్నామని ఆయన చెప్పారు.
ఇది తక్షణమే అమల్లోకి వస్తుందని, దక్షిణ సూడాన్ పాస్‌పోర్ట్ కలిగినవారు ఇకపై అమెరికాలోకి ప్రవేశించే అవకాశం ఉండదన్నారు.
దక్షిణ సూడాన్ ప్రభుత్వం ట్రంప్ పరిపాలన విధానానికి సహకరిస్తేనే ఈ నిర్ణయాన్ని పునఃపరిశీలిస్తామని వెల్లడించారు.
ట్రంప్ అధ్యక్షత తీసుకున్న తర్వాత ఇప్పటివరకు సుమారు 8,000 మంది అక్రమ వలసదారులను అరెస్టు చేశామని వైట్‌హౌస్ పేర్కొంది.
Details
స్వచ్ఛందంగా దేశం విడిచి వెళ్లాలి
ఈ అరెస్టులో కొందరిని స్వదేశాలకు పంపించగా, మరికొందరు అమెరికా జైళ్లలో లేదా నిర్బంధ కేంద్రాల్లో ఉన్నారు.
కొంతమంది విదేశీ విద్యార్థులు జాతి వ్యతిరేక ప్రచారంలో పాల్గొంటున్నట్లు గుర్తించి, వారు స్వచ్ఛందంగా దేశం విడిచిపోవాలంటూ అమెరికా విదేశాంగ శాఖ వారికీ మెయిల్స్ పంపింది.
కేవలం ఆందోళనల్లో పాల్గొన్నవారికే కాకుండా, ఆందోళనల దృశ్యాలను లేదా జాతి వ్యతిరేక సందేశాలను సామాజిక మాధ్యమాల్లో పంచుకున్న విద్యార్థులకు కూడా హెచ్చరికలు పంపినట్లు తెలుస్తోంది.
యునైటెడ్ స్టేట్స్ ఇమిగ్రేషన్ మరియు అమెరికా నేషనాలిటీ చట్టంలోని సెక్షన్ 221(i) ప్రకారం వీరి వీసాలను రద్దు చేయడానికి చర్యలు తీసుకుంటున్నామని అధికారులు తెలిపారు.