Robot Dogs In Ukraine Army:ఉక్రెయిన్ రోబో డాగ్స్‌సైన్యం అంటే ఏమిటో తెలుసా ?
24 ఫిబ్రవరి 2022న ప్రారంభమైన రష్యా,ఉక్రెయిన్ మధ్య యుద్ధంలో, ఉక్రెయిన్ ఇప్పుడు రష్యాపై పట్టు సాధిస్తోంది. రష్యాలోని కుర్స్క్ ప్రాంతంలోని సుడ్జా నగరాన్ని ఉక్రెయిన్ సైన్యం స్వాధీనం చేసుకుంది. ఈ విషయాన్ని ఉక్రెయిన్ అధ్యక్షుడు వోలోడిమిర్ జెలెన్స్కీ స్వయంగా ధృవీకరించారు. సైన్యం రష్యా భూభాగంలోకి ప్రవేశించి కుర్స్క్ ప్రాంతంలోని సుడ్జా నగరాన్ని స్వాధీనం చేసుకున్నట్లు ఆయన చెప్పారు. సుడ్జాలో యూకే మిలటరీ కమాండర్ కార్యాలయాన్ని కూడా ఏర్పాటు చేస్తున్నట్లు తెలిపారు. ఈ నగరం ఉక్రెయిన్ లో ఇప్పటివరకు స్వాధీనం చేసుకున్న అతిపెద్ద నగరాలలో ఒకటి. దీని జనాభా యుద్ధానికి ముందు 5 వేల మంది.
బ్రిటిష్ రోబోలు ఉక్రెయిన్‌కు సహాయం చేస్తున్నాయా?
దీంతో ఉక్రెయిన్ నైతిక స్థైర్యం ఎక్కువగా ఉందని తెలుస్తోంది. కొద్ది రోజుల క్రితమే రష్యా లోపలకి సైన్యం 1 వేల కిలోమీటర్లు చొచ్చుకుపోయిందని వార్తలు వచ్చాయి. జర్మనీకి చెందిన ప్రముఖ మీడియా అవుట్‌లెట్ బిల్డ్ నివేదిక ప్రకారం, ఉక్రెయిన్ సాయుధ దళాలు (AFU) బ్రిటిష్ సంస్థ బ్రిట్ అలయన్స్ తయారు చేసిన BAD.2 మోడల్ రోబోట్ కుక్కలను ఉపయోగించడం ప్రారంభించింది. ఈ రోబో యూనిట్లు ఉక్రెయిన్ సైనిక వ్యూహంలో ప్రభావవంతంగా ఉన్నాయని రుజువు చేస్తున్నాయి. ఇవి రష్యన్ సైన్యానికి కొత్త సవాలును అందిస్తున్నాయి.
ఈ రోబోట్ కుక్కలు ఏమిటి?
BAD.2 రోబోట్ డాగ్‌లు హై-డెఫినిషన్ వీడియో కెమెరాలతో కూడిన కాంపాక్ట్ గ్రౌండ్ డ్రోన్‌లు. ఇవి ప్రత్యేకంగా నిఘా మిషన్ల కోసం రూపొందించబడ్డాయి. అవి యుద్ధరంగంలోకి కూడ ప్రవేశించి ఎటువంటి ప్రమాదం లేకుండా తమ ప్రత్యర్థులను పూర్తిగా పర్యవేక్షించగలరు. గంటకు 15 కి.మీ వేగంతో,ఈ రోబోట్ కందకాలు,అటవీ ప్రాంతాలు, ఇతర కష్టతరమైన భూభాగాల గుండా వెళుతుంది. యుద్ధ ట్యాంకర్లకు సెన్సర్లు అమర్చి, వాటికవే శత్రువుతో పోరాడేలా తీర్చిదిద్దుతోంది. శత్రువులను వెదుక్కుంటూ వెళ్లి తనకు తానుగా పేల్చేసుకునే రోబోలను తయారుచేస్తోంది.
ఉక్రేనియన్ సైన్యం ఎన్ని రోబోట్ కుక్కలను ఉపయోగిస్తోంది?
వీటిలో 30కి పైగా రోబో కుక్కలను ప్రస్తుతం ఉక్రెయిన్ ఆర్మీ ఉపయోగిస్తున్నట్లు నివేదిక పేర్కొంది. ఒక్కో రోబోటిక్ కుక్క ధర రూ.3 లక్షల 70 వేల నుంచి రూ.7 లక్షల 40 వేల వరకు ఉంటుంది. రష్యన్ సైన్యం ద్వారా సాధ్యమయ్యే గుర్తింపును నివారించడానికి, ఉక్రేనియన్ సైన్యం ఈ రోబోట్‌లను జర్మన్ నిర్మిత యాంటీ-థర్మల్ సాంకేతికతతో అమర్చింది, ఇది వాటిని దాచి ఉంచడానికి సహాయపడుతుంది. ఉక్రెయిన్‌లో సైనిక కార్యకలాపాల్లో రోబో కుక్కలను ఉపయోగించడం ఇదే మొదటిసారి కాదు. జూన్ 2022లో, US మిలిటరీ గనులు,ఇతర రకాల ఆయుధాలను క్లియర్ చేయడంలో సహాయపడటానికి రూపొందించిన రెండు రోబోటిక్ కుక్కలను కీవ్‌కు అందజేస్తామని ప్రకటించింది.
