Pakistan-Afghanistan:పాక్ సైనికుల ప్యాంటును ఊరేగిస్తున్నతాలిబన్లు.. ట్రెండింగ్‌లో '93000': భారత్‌కు సంబంధం ఏంటి?
ఈ వార్తాకథనం ఏంటి
పాకిస్థాన్ ,అఫ్గానిస్థాన్ మధ్య ప్రస్తుతం తీవ్ర ఉద్రిక్త పరిస్థితులు కొనసాగుతున్నాయి. ప్రస్తుతం రెండు దేశాల మధ్య కాల్పుల విరమణకు అంగీకారం కుదిరినా.. అది ఎంతవరకు కొనసాగుతుందో తెలియని అనిశ్చితి నెలకొంది ఈ నేపథ్యంలో నెట్టింట్లో '93000' అనే హ్యాష్‌ట్యాగ్ ఎక్కువగా ట్రెండ్ అవుతోంది. ఘర్షణల్లో భాగంగా, పాక్ సైన్యం నుంచి స్వాధీనం చేసుకున్న ట్యాంక్‌లు, సరిహద్దు ప్రాంతాల నుంచి పరారయ్యే పాక్ సైనికుల దుస్తులను అఫ్గాన్ ప్రదర్శించినట్టుగా కొన్ని దృశ్యాలు వైరల్ అయ్యాయి. క్షేత్రస్థాయిలో ఎవరు గెలిచినా.. ఆన్‌లైన్‌లో ప్రచారంతో మాత్రం అఫ్గాన్ గెలిచింది. కొందరు ఆన్‌లైన్ యాక్టివిస్టులు దీనిని "93,000 Pants Ceremony 2.0"గా చెప్పి పోస్ట్ చేస్తున్నారు.
వివరాలు
భారత సైన్యం ముందు లొంగిపోయిన 93,000 మంది పాక్ సైనికులు
ఈ 93,000 సంఖ్యకు భారతదేశంతో చారిత్రక సంబంధం ఉంది. 1971 డిసెంబర్‌లో భారత లెఫ్టినెంట్ జనరల్ జగ్జీత్ సింగ్ అరోడా ఇతర సైన్యాధికారుల సమక్షంలో, పాక్ లెఫ్టినెంట్ జనరల్ ఆమిర్ అబ్దుల్లా నియాజీ లొంగుబాటు పత్రంపై సంతకం చేశారు. అప్పట్లో 93,000 మంది పాక్ సైనికులు భారత సైన్యం ముందు లొంగిపోయారు. నెట్టిజన్లు ఇప్పుడు "అప్పుడు భారత్ ఎదుట.. ఇప్పుడు అఫ్గాన్ ఎదుట. టీమ్ 93000 విషయంలో అప్పుడూ ఇప్పుడూ మార్పు లేదు. భవిష్యత్తులో భారత్ రికార్డును అఫ్గాన్ బ్రేక్ చేస్తుందేమో" అని కామెంట్లు చేస్తున్నారు.
వివరాలు
ఫీల్డ్ మార్షల్ మానెక్ షా వ్యూహం దెబ్బకు కంగుతిని..
1971లో తూర్పు పాకిస్థాన్‌లో ప్రారంభమైన స్వాతంత్ర్య పోరాటం, భారత-పాక్ మధ్య యుద్ధానికి దారితీసింది. భారత్ సైన్యం పాకిస్థాన్‌ను ఓడించడం ద్వారా బంగ్లాదేశ్ ఏర్పాటుకు మునుపునిది ప్రేరణ అయ్యింది. ఆ విజయాన్ని గుర్తుగా మనం ప్రతి సంవత్సరం డిసెంబర్ 16న విజయ్ దివస్ గా జరుపుకుంటున్నాం. అప్పటి భారత సైన్య అధిపతి, ఫీల్డ్ మార్షల్ మానెక్ షా, పటిష్ఠ వ్యూహ రచన ద్వారా విజయం సాధించారన్నారు. 93,000 మంది పాక్ సైనికులు భారత సైన్యం ముందు లొంగిపోయిన ఈ సంఘటన, రెండో ప్రపంచ యుద్ధం తరువాతి కాలంలో అతి పెద్ద లొంగుబాటుగా చరిత్రలో నిలిచింది.
వివరాలు
పాక్-అఫ్గాన్ ఘర్షణలు..
అఫ్గాన్ భూభాగాన్ని వాడుకుంటున్న తెహ్రీక్-ఇ-తాలిబన్ (TTP) ఉగ్రవాదులు,పాక్ ఖైబర్ పఖ్తుంఖ్వా ప్రాంతంలోని ఓరక్‌జాయ్ జిల్లాలో దాడులు చేసి,పలువురు సైనికులు ప్రాణాలు కోల్పోయారు. ఆ నేపథ్యంలో, గత గురువారం అఫ్గాన్ రాజధాని కాబుల్‌లో పేలుళ్లు చోటుచేసుకున్నాయి. ఈ పేలుళ్లకు పాకిస్థాన్ కారణమని తాలిబన్ ప్రభుత్వం ఆరోపించింది. అప్పట్లో అఫ్గాన్ విదేశాంగ మంత్రి భారత్ పర్యటనలో ఉండటం గమనార్హం. పాక్ సరిహద్దుల్లో దాడులు చేసిన ఉగ్రవాదులపై అఫ్గాన్ సమానంగా ప్రతిచర్య తీసుకుంది. ఈ దాడుల్లో 58 మంది పాక్ సైనికులు చనిపోయినట్లు తాలిబన్ ప్రభుత్వ వెల్లడించింది. తరువాత కూడా ఘర్షణలు కొనసాగాయి. పాక్ ప్రభుత్వం, ఈ దాడులు భారతదేశ సూచనలతో జరిగినట్లు ఆరోపించింది. ప్రస్తుతానికి రెండు దేశాల మధ్య కాల్పుల విరమణ కొనసాగుతోంది.