2026 Hyundai Exter: 2026 హ్యుందాయ్ ఎక్స్‌టర్ లాంచ్.. కొత్త ఫీచర్లు,ధరలు ఇవే..

వ్రాసిన వారు Sirish Praharaju

Mar 20, 2026

05:27 pm

ఈ వార్తాకథనం ఏంటి

హ్యుందాయ్ సంస్థ భారత మార్కెట్లో కొత్త 2026 ఎక్స్‌టర్ కారును విడుదల చేసింది. ఈ SUV ప్రారంభ ధర రూ. 5.80 లక్షలు (ఎక్స్-షోరూమ్). టాటా పంచ్‌కు పోటీగా ఉన్న ఈ మోడల్‌లో డిజైన్, ఇంటీరియర్, ఫీచర్లలో మార్పులు చేశారు. అయితే మెకానికల్ పరంగా పెద్ద మార్పులు లేవు. ఈ మార్పులతో టాప్ వేరియంట్ ధర రూ. 9.42 లక్షలు (ఎక్స్-షోరూమ్)గా నిర్ణయించారు.

వివరాలు

2026 హ్యుందాయ్ ఎక్స్‌టర్: డిజైన్

కొత్త ఎక్స్‌టర్‌లో ఫ్రంట్ డిజైన్‌లో స్వల్ప మార్పులు చేశారు. డార్క్ ఫినిష్‌తో కొత్త గ్రిల్ డిజైన్ ఇచ్చారు. అలాగే కొత్త సెంటర్ గార్నిష్‌ను కూడా జోడించారు. 15-ఇంచ్ అలాయ్ వీల్స్‌కు కొత్త డిజైన్ ఇచ్చారు. వెనుక భాగంలో కొత్త స్పాయిలర్, టెయిల్‌గేట్, C-పిల్లర్ గార్నిష్‌ను అందించారు. 1,643 మిల్లీమీటర్ల ఎత్తుతో ఈ సెగ్మెంట్‌లోనే ఇది అత్యంత ఎత్తైన కారు అని కంపెనీ చెబుతోంది. రంగుల విషయంలో మొత్తం 7 మోనోటోన్, 1 డ్యూయల్ టోన్ కలర్ ఆప్షన్లు అందుబాటులో ఉన్నాయి. కొత్తగా గోల్డెన్ బ్రోన్జ్,టైటానియం బ్లాక్ మ్యాట్ కలర్స్ వచ్చాయి. వీటితో పాటు టైటాన్ గ్రే, అట్లాస్ వైట్, స్టార్‌రీ నైట్,టైటానియం బ్లాక్,రేంజర్ ఖాకీ,బ్లాక్ రూఫ్‌తో రేంజర్ ఖాకీ (డ్యూయల్ టోన్)రంగులు ఉన్నాయి.

వివరాలు

2026 హ్యుందాయ్ ఎక్స్‌టర్: ఇంటీరియర్

ఇంటీరియర్‌లో నేవీ మరియు గ్రే డ్యూయల్ టోన్ థీమ్‌ను అందించారు. కార్బన్ ప్యాటర్న్ డ్యాష్‌బోర్డ్‌కు కొత్త 3D ఫినిష్ ఇచ్చారు. D-కట్ స్టీరింగ్ వీల్‌తో పాటు మెటల్ పెడల్స్ కూడా అందించారు. బూట్ స్పేస్ 391 లీటర్లుగానే కొనసాగుతోంది. డ్రైవర్‌కు ఎక్కువ సౌకర్యం కోసం ఫోల్డింగ్ ఆర్మ్‌రెస్ట్‌ను కూడా జోడించారు.

వివరాలు

2026 హ్యుందాయ్ ఎక్స్‌టర్: ఫీచర్లు

గత మోడల్‌లో ఉన్న చాలా ఫీచర్లను కొనసాగిస్తూ, కొన్ని కొత్త ఫీచర్లను జోడించారు. ఈ సెగ్మెంట్‌లో తొలిసారిగా డాష్‌క్యామ్ ఇచ్చారు. అలాగే వైర్‌లెస్ ఆండ్రాయిడ్ ఆటో, ఆపిల్ కార్‌ప్లే సపోర్ట్ ఉంది. వెనుక సీట్లో ఉన్నవారికి టైప్-C USB పోర్ట్ అందించారు. బ్లూలింక్ ద్వారా 60కి పైగా కనెక్టెడ్ ఫీచర్లు, ఇంటర్నెట్ లేకుండా పనిచేసే 300కి పైగా వాయిస్ కమాండ్స్ ఉన్నాయి.

వివరాలు

2026 హ్యుందాయ్ ఎక్స్‌టర్: పవర్‌ట్రెయిన్

ఇంజిన్ విషయంలో ఎలాంటి మార్పులు చేయలేదు. 1.2 లీటర్ ఫోర్-సిలిండర్ పెట్రోల్ ఇంజిన్ కొనసాగుతోంది. CNG ఆప్షన్ కూడా అందుబాటులో ఉంది. ట్రాన్స్‌మిషన్ ఎంపికల్లో మాన్యువల్ (MT), ఆటోమేటెడ్ మాన్యువల్ (AMT) ఉన్నాయి. CNG వెర్షన్‌లో 225 లీటర్ల డ్యూయల్ సిలిండర్ సెట్‌ప్ ఉంది.