BattRE LOEV Plus: BattRE LOEV+ ఎలక్ట్రిక్ స్కూటర్ లాంచ్.. సింగిల్ ఛార్జ్ తో 90KM రేంజ్
ఈ వార్తాకథనం ఏంటి
ఈరోజుల్లో పెట్రోల్ ధరలు పెరుగుతున్న నేపథ్యంలో,ఎలక్ట్రిక్ వాహనాలకు డిమాండ్ పెరుగుతోంది. ఎలక్ట్రిక్ బైకులు, స్కూటర్ల కొనుగోలుపై వినియోగదారులు ఎక్కువ ఆసక్తి కనబరుస్తున్నారు. ఈ క్రమంలో,ప్రముఖ ద్విచక్ర వాహన తయారీ సంస్థలు ఆకర్షణీయమైన డిజైన్, అధునాతన ఫీచర్లు, దీర్ఘకాలిక బ్యాటరీ బ్యాకప్‌తో కొత్త ఎలక్ట్రిక్ స్కూటర్లను మార్కెట్‌లోకి విడుదల చేస్తున్నాయి. తాజాగా మరో కొత్త ఎలక్ట్రిక్ స్కూటర్ అందుబాటులోకి వచ్చింది. జైపూర్‌కు చెందిన BattRE ఎలక్ట్రిక్ మొబిలిటీ, LOEV+ అనే హై-స్పీడ్ ఎలక్ట్రిక్ స్కూటర్‌ను విడుదల చేసింది. ఇది ఒక్కసారి పూర్తిగా ఛార్జ్ చేస్తే 90 కిలోమీటర్ల దూరం ప్రయాణించగలదని కంపెనీ వెల్లడించింది.
డిజైన్
BattRE LOEV+ ఎలక్ట్రిక్ స్కూటర్ ధర & డిజైన్
BattRE LOEV+ ఎలక్ట్రిక్ స్కూటర్ ధర రూ. 69,999 (ఎక్స్-షోరూమ్, ఢిల్లీ). ఈ స్కూటర్, ఒకినావా రిడ్జ్ ప్లస్, ఓలా S1X మోడళ్లకు గట్టి పోటీ ఇవ్వనుంది. డిజైన్ పరంగా చూస్తే, BattRE LOEV+ స్పోర్టీ లుక్ తో ఆకట్టుకుంటుంది. స్టైలిష్ కట్స్, దీనికి స్ప్లిట్ LED హెడ్‌లైట్ అమర్చారు. స్ప్లిట్ LED హెడ్‌లైట్ అమర్చిన ఈ స్కూటర్‌లో, హ్యాండిల్‌బార్ కౌల్‌లో ఇంటిగ్రేటెడ్ DRL ఉంటుంది. ఇది ఐదు వేరియంట్ కలర్ ఆప్షన్లలో లభిస్తుంది - స్టార్‌లైట్ బ్లూ, స్టార్మీ గ్రే, ఐస్ బ్లూ, మిడ్‌నైట్ బ్లాక్, పెర్ల్ వైట్.
బ్యాటరీ
LOEV+ బ్యాటరీ & పనితీరు
BattRE LOEV+ స్కూటర్ 2kWh అమరాన్ బ్యాటరీ ప్యాక్, 13-amp ఛార్జర్‌తో వస్తుంది. బ్యాటరీ, ఛార్జర్ రెండూ IP67 రేటింగ్ కలిగి ఉంటాయి, అంటే నీటి, ధూళి నిరోధకత కలిగి ఉంటాయి. కంపెనీ, బ్యాటరీ, ఛార్జర్‌పై 3 సంవత్సరాల వారంటీ అందిస్తోంది. పూర్తిగా ఛార్జ్ చేసేందుకు 2 గంటలు 50 నిమిషాలు పడుతుంది. ఈ స్కూటర్‌లో మూడు రైడ్ మోడ్‌లు ఉన్నాయి. ఎకో, కంఫర్ట్, స్పోర్ట్స్. ఎకో మోడ్: గరిష్టంగా 35kmph వేగంతో ప్రయాణించగలదు. కంఫర్ట్ మోడ్: 48kmph వేగంతో ప్రయాణిస్తుంది. స్పోర్ట్స్ మోడ్: 60kmph వేగాన్ని అందుకోగలదు. ఈ స్కూటర్ 90 కిలోమీటర్ల ప్రయాణ రేంజ్ అందిస్తుందని కంపెనీ పేర్కొంది.
ఫీచర్లు
సస్పెన్షన్, బ్రేకింగ్ & ఫీచర్లు
BattRE LOEV+ స్కూటర్‌లో టెలిస్కోపిక్ ఫోర్క్ (ముందు), వెనుక మోనోషాక్ సస్పెన్షన్ ఉన్నాయి. ఈ స్కూటర్ ముందు & వెనుక డిస్క్ బ్రేక్ సెటప్ కలిగి ఉంది, కంబైన్డ్ బ్రేకింగ్ సిస్టమ్ (CBS) సపోర్ట్‌తో వస్తుంది. LOEV+ స్కూటర్ 180mm గ్రౌండ్ క్లియరెన్స్, 12-అంగుళాల అల్లాయ్ వీల్స్ కలిగి ఉంటుంది. అంతేకాకుండా, ఈ స్కూటర్‌లో క్రూయిజ్ కంట్రోల్, LED లైట్లు, హిల్ హెల్డ్ అసిస్ట్, CAN-ఎనేబుల్డ్ కమ్యూనికేషన్ సిస్టమ్, పార్కింగ్ మోడ్ వంటి అధునాతన ఫీచర్లు ఉన్నాయి. BattRE LOEV+ స్టైలిష్ లుక్, మోడరన్ ఫీచర్లు, మన్నికైన బ్యాటరీ లైఫ్‌తో మార్కెట్‌లో హాట్ టాపిక్‌గా మారనుంది.