Tata Harrier: టాటా హారియర్ EV డెలివరీపై బిగ్ అప్డేట్.. బుకింగ్ చేసిన వారికి గుడ్ న్యూస్!
ఈ వార్తాకథనం ఏంటి
ఇటీవల మార్కెట్‌లో ప్రవేశించిన టాటా మోటార్స్ హారియర్ ఈవీ ప్రొడక్షన్‌కు గ్రీన్ సిగ్నల్ లభించింది. మహారాష్ట్రలోని పుణెలో ఉన్న టాటా ప్లాంట్‌లో ఈ లాంగ్ రేంజ్ ఎలక్ట్రిక్ SUV ఉత్పత్తి ప్రారంభమైంది. ఇప్పటికే బుక్ చేసుకున్న కస్టమర్లు డెలివరీ కోసం ఆసక్తిగా ఎదురుచూస్తుండగా, కంపెనీ తాజా ప్రకటన వారికి మంచి వార్తగా మారింది. డీలర్‌షిప్‌లకు వాహనాలను పంపిణీ చేస్తూ, ఈ నెలాఖరులో డెలివరీలు ప్రారంభించనున్నట్లు సమాచారం. ఈ హారియర్ EVకి మార్కెట్‌లో అనూహ్య స్పందన లభించిందని టాటా మోటార్స్ వెల్లడించింది. ధర విషయానికి వస్తే, వేరియంట్‌ ఆధారంగా రూ.21.49 లక్షల నుంచి రూ.30.23 లక్షల వరకు (ఎక్స్-షోరూమ్) ఉంది.
Details
టాటా హారియర్ EV - ప్లాట్‌ఫారమ్ & డ్రైవ్ ట్రెయిన్
హారియర్ EV, టాటా మోటార్స్ acti.ev+ ఆర్కిటెక్చర్‌పై నిర్మించారు. ఇది అంతకు ముందు వచ్చిన ఇంటర్నల్ కంబషన్ ఇంజిన్ ప్లాట్‌ఫారమ్‌ను ఆధారంగా చేసుకుని ఎలక్ట్రిక్ వేరియంట్‌గా మార్చిన రూపం. ఈ ఎస్‌యూవీ రెండు కాన్ఫిగరేషన్‌లలో లభిస్తుంది. రియర్ వీల్ డ్రైవ్ (RWD) క్వాడ్ వీల్ డ్రైవ్ (QWD). RWD మోడల్‌లో వెనుక అక్సిల్‌పై ఒకే మోటార్ ఉంటుంది. QWDలో రెండు అక్సిళ్లపై రెండు మోటార్లు అమర్చారు.
Details
పవర్, బ్యాటరీ & రేంజ్
RWD వేరియంట్‌ 235 బీహెచ్‌పీ పవర్, 315 ఎన్ఎమ్ టార్క్‌ను అందించగలదు. ఇక QWD వేరియంట్‌ రెండు మోటార్లతో 391 బీహెచ్‌పీ పవర్, 504 ఎన్ఎమ్ టార్క్‌ను ఉత్పత్తి చేస్తుంది. హారియర్ EVకి రెండు బ్యాటరీ ఆప్షన్లు ఉన్నాయి - 65 కేడబ్ల్యూహెచ్‌ మరియు 75 కేడబ్ల్యూహెచ్‌. 65 కేడబ్ల్యూహెచ్‌ బ్యాటరీతో RWD వేరియంట్‌ 538 కి.మీ రేంజ్ ఇస్తుంది. 75 కేడబ్ల్యూహెచ్‌ బ్యాటరీతో RWDలో 627 కి.మీ, QWDలో 622 కి.మీ వరకు ప్రయాణించవచ్చు.
Details
హారియర్ EV ఫీచర్లు
ఈ ఎలక్ట్రిక్ SUV అత్యాధునిక ఫీచర్లతో సజ్జంగా ఉంది. హర్మాన్‌తో కలసి రూపొందించిన శాంసంగ్ నియో QLED డిస్‌ప్లే, డిజిటల్ ఇంటీరియర్ రియర్ వ్యూ మిర్రర్, డాల్బీ అట్మోస్ సౌండ్ సిస్టమ్, 540° స్రౌండ్ వ్యూ కెమెరా వంటి టెక్నాలజీలు ఇందులో పొందుపరిచారు. ట్రాన్స్‌పరెంట్ అండర్-బాడీ వ్యూ ఫీచర్ వలన కఠిన మార్గాల్లో డ్రైవింగ్ మరింత సులభమవుతుంది.
Details
రంగులు & ఎడిషన్లు
హారియర్ EV నాలుగు ప్రధాన రంగుల్లో లభ్యమవుతుంది: 1. నైనిటాల్ నాక్టర్న్ 2. ఎంపావర్డ్ ఆక్సైడ్ 3. ప్రిస్టీన్ వైట్ 4. ప్యూర్ గ్రే అంతేకాకుండా, ప్రారంభం నుంచే ఆల్-బ్లాక్ స్టెల్త్ ఎడిషన్ కూడా అందుబాటులో ఉంది. మొత్తానికి, టాటా హారియర్ EV భారత ఎలక్ట్రిక్ SUV విభాగంలో ఒక కీలక ఆటగాడిగా నిలిచే అవకాశం ఉందని పరిశ్రమ వర్గాలు అంచనా వేస్తున్నాయి.