BYD Denza N8 EV: ఒక్కసారి ఛార్జ్ చేస్తే 1,000 కి.మీ.. బీవైడీ కొత్త ఈవీ
ఈ వార్తాకథనం ఏంటి
ఒక్కసారి ఛార్జ్ చేస్తే ఏకంగా 1,003 కిలోమీటర్ల వరకు ప్రయాణం.. ఫాస్ట్ ఛార్జింగ్‌తో నిమిషాల్లోనే బ్యాటరీకి తిరిగి శక్తి. చైనాకు చెందిన బీవైడీ తన కొత్త లగ్జరీ ఎలక్ట్రిక్ ఎస్‌యూవీ డెంజా ఎన్8 ఈవీతో ఇలాంటి ఆకర్షణీయమైన ఫీచర్లను పరిచయం చేసింది. ఐదుగురు ప్రయాణించే వీలున్న ఈ మోడల్‌లో అత్యాధునిక సాంకేతికతతో పాటు శక్తివంతమైన మోటార్లు, పెద్ద బ్యాటరీ ప్యాక్‌లు ఉన్నాయి.
Details
30 అంగుళాల స్క్రీన్‌తో హైటెక్ క్యాబిన్
డెంజా ఎన్8లో 30 అంగుళాల పనోరమిక్ ఇన్ఫోటైన్‌మెంట్ స్క్రీన్ ప్రత్యేక ఆకర్షణగా నిలుస్తుంది.
ఇది డ్యాష్‌బోర్డ్‌లో ప్రయాణికుడి వైపు వరకు విస్తరించి ఉంటుంది. విండ్‌షీల్డ్ దిగువన 43 అంగుళాల పనోరమిక్ హెడ్‌అప్ డిస్‌ప్లేను కూడా అందించారు.
పరిమాణంలో ఈ ఎస్‌యూవీ కియా ఈవీ9, హ్యుందాయ్ ఐయోనిక్ 9 మోడళ్ల కంటే కొంచెం పొడవుగా ఉంటుంది.
Details
1,193 హెచ్‌పీ వరకు పవర్
ఈ కారులో రియర్ వీల్ డ్రైవ్, మూడు మోటార్లతో కూడిన ఆల్ వీల్ డ్రైవ్ ఆప్షన్లు ఉన్నాయి.
రియర్ వీల్ డ్రైవ్ వేరియంట్లు 429 హెచ్‌పీ లేదా 496 హెచ్‌పీ శక్తిని ఉత్పత్తి చేస్తాయి. మూడు మోటార్ల టాప్ వేరియంట్ గరిష్ఠంగా 1,193 హెచ్‌పీ పవర్ అందిస్తుంది.
Details
9 నిమిషాల్లో 97 శాతం ఛార్జింగ్
105.792 కిలోవాట్ అవర్, 130.15 కిలోవాట్ అవర్ సామర్థ్యంతో రెండు బ్యాటరీ ఆప్షన్లు ఉన్నాయి.
చైనా CLTC పరీక్షా ప్రమాణాల ప్రకారం వీటి రేంజ్ వరుసగా 885 కి.మీ, 1,003 కి.మీ. బీవైడీ రెండో తరం బ్లేడ్ బ్యాటరీ, ఫ్లాష్ ఛార్జింగ్ టెక్నాలజీతో 10 నుంచి 70 శాతం ఛార్జింగ్‌కు ఐదు నిమిషాలు, 97 శాతానికి తొమ్మిది నిమిషాలు పడుతుందని కంపెనీ వెల్లడించింది.
అయితే వాస్తవ రహదారి పరిస్థితుల్లో రేంజ్ మారవచ్చు.
Details
ధర ఎంతంటే?
డెంజా ఎన్8 ఈవీ ప్రారంభ ధర 2,69,900 యువాన్లు (సుమారు 40,500 డాలర్లు).
ఫ్లాగ్‌షిప్ వేరియంట్ ధర 3,29,900 యువాన్లు (సుమారు 49,500 డాలర్లు).
ఈ ఫీచర్లతో దీర్ఘదూర ప్రయాణాలకు ఎలక్ట్రిక్ కార్లను ఎంచుకునే వినియోగదారులను ఆకట్టుకోవాలని బీవైడీ చూస్తోంది.