Ducati: డుకాటి 2025 స్ట్రీట్‌ఫైటర్ V2 ఇండియాలో విడుదల.. ధర ₹17.5 లక్షలు

వ్రాసిన వారు Sirish Praharaju

Nov 27, 2025

12:19 pm

ఈ వార్తాకథనం ఏంటి

డుకాటి భారత మార్కెట్‌లో 2025 స్ట్రీట్‌ఫైటర్ V2ను రిలీజ్ చేసింది. ఎక్స్-షోరూమ్ ధర ₹17.5 లక్షల నుంచి మొదలవుతుంది. పానిగేల్ V2 ఆధారంగా తయారైన ఈ మిడ్-క్యాపాసిటీ నేకడ్ మోడల్ రోజువారీ ప్రయాణాలు, అలాగే ట్రాక్ రైడ్‌ల కోసం అనుకూలంగా ఉండేలా ఎర్గోనామిక్స్‌ను మెరుగుపరిచింది. దేశవ్యాప్తంగా ఉన్న అన్ని డుకాటి షోరూమ్‌లలో ఈ మోడల్ ఇవాళ్టి నుంచే అందుబాటులోకి వచ్చింది.

మోడల్ వేరియంట్లు

స్ట్రీట్‌ఫైటర్ V2 2 వేరియంట్లలో వస్తుంది

2025 స్ట్రీట్‌ఫైటర్ V2 రెండు వేరియంట్లలో లాంచ్ అయింది. స్టాండర్డ్, హయ్యర్-స్పెక్ V2 S. రెండూ డుకాటి రెడ్ కలర్‌లోనే అందుబాటులో ఉన్నాయి. స్టాండర్డ్ మోడల్‌లో మార్జోక్కి ఫ్రంట్, కయాబా రియర్ ఫుల్లీ అడ్జస్ట్‌బుల్ సస్పెన్షన్ ఉండగా, V2 S మోడల్‌కు రెండు వైపులా ఒహ్లిన్స్ యూనిట్స్ ఇచ్చారు. రెండు వేరియంట్లలో ఆరు స్పోక్ Y-డిజైన్ అలాయ్ వీల్స్, పిరెల్లీ డియాబ్లో రోస్సో IV టైర్లు (120/70 ఫ్రంట్, 190/55 రియర్), స్యాక్స్ స్టీరింగ్ డాంపర్ ఒకేలా ఉన్నాయి.

ఇంజిన్ స్పెక్స్

శక్తివంతమైన ఇంజిన్, అధునాతన ఎలక్ట్రానిక్స్

పవర్ పరంగా చూస్తే, ఈ బైక్‌లో 890cc 90-డిగ్రీ V2 ఇంజిన్‌ని వాడారు. ఇది డుకాటి తయారు చేసిన తేలికైన ట్విన్ ఇంజిన్ — కేవలం 54.4 కిలోలు. యూరో 5+ నార్మ్స్‌కు అనుగుణంగా ఉండే ఈ ఇంజిన్ 10,750rpm వద్ద 119hp పవర్, 8,250rpm వద్ద 93.3Nm టార్క్ ఇస్తుంది. మూడు వేల rpm స్థాయి నుంచే 70% కంటే ఎక్కువ టార్క్ అందుబాటులోకి రావడం ఈ ఇంజిన్ ప్రత్యేకత.

అదనపు లక్షణాలు

అధునాతన లక్షణాలు, ఉపకరణాలు

ఫీచర్ల విషయానికి వస్తే, సిక్స్-స్పీడ్ గేర్‌బాక్స్‌తో పాటు డుకాటి క్విక్ షిఫ్ట్ 2.0 వాడారు, ఇవి క్లచ్ లేకుండా గేర్ మార్చేందుకు అనుకూలం. బ్రేకింగ్ సమయంలో రియర్ స్టెబిలిటీ కోసం ఆయిల్-బాత్ స్లిప్పర్ క్లచ్‌ను ఇచ్చారు. అదనపు యాక్సెసరీగా అందించే రేసింగ్ ఎగ్జాస్ట్ వేసుకుంటే బైక్ పవర్ 125hpకి పెరుగుతుంది, బరువు 4.5 కిలోలు తగ్గుతుంది. మోనోకోక్ ఫ్రేమ్‌ని ఇంజిన్ స్ట్రక్చర్ మీదే ఆధారపడి పెట్టడంతో మాస్ సెంట్రలైజేషన్ మరింత మెరుగవుతుందని కంపెనీ చెబుతోంది.

సాంకేతిక లక్షణాలు

అధునాతన ఎలక్ట్రానిక్స్, రైడర్ మోడ్‌లు

ఎలక్ట్రానిక్స్‌లో సిక్స్-ఆక్సిస్ IMU సిస్టమ్ ప్రధానంగా పనిచేస్తుంది. దీనివల్ల కార్నరింగ్ ABS, స్లైడ్-బై-బ్రేక్ ఫంక్షన్, డుకాటి ట్రాక్షన్ కంట్రోల్, వీలీ కంట్రోల్, ఇంజిన్ బ్రేక్ కంట్రోల్, క్విక్ షిఫ్ట్ వంటి ఆధునిక సిస్టమ్‌లు అందించారు. రైడర్ తన అవసరానికి తగ్గట్టు Race, Sport, Road, Wet మోడ్స్‌ను ఎంచుకోవచ్చు. 5-ఇంచ్ TFT స్క్రీన్‌లో రోడ్, రోడ్ ప్రో, ట్రాక్ వంటి మూడు లేఅవుట్లను ఇచ్చారు, ఇవి రైడింగ్ అనుభవాన్ని మరింత మెరుగుపరచుతాయి.