Hyundai: రూ.8 లక్షలకే హ్యుందాయ్ ఎక్స్టర్ నైట్ SUV.. భారత్లో విడుదల
ఈ వార్తాకథనం ఏంటి
హ్యుందాయ్ తన ఎక్స్టర్ ఫ్యామిలీలోకి మరో కొత్త వేరియంట్ను తీసుకొచ్చింది. ఎక్స్టర్ నైట్ (Exter Knight) పేరుతో కొత్త SUVని భారత మార్కెట్లో విడుదల చేసింది. ఈ కార్ ప్రారంభ ఎక్స్షోరూమ్ ధర రూ.8.13 లక్షలుగా ఉంది. రెగ్యులర్ ఎక్స్టర్తో పోలిస్తే పూర్తిగా బ్లాక్ థీమ్తో ఈ వేరియంట్ను తీసుకొచ్చారు. అయితే ఇందులో ఎలాంటి మెకానికల్ మార్పులు చేయలేదు. కేవలం కారు లుక్ను మరింత స్పోర్టీగా మార్చే కాస్మెటిక్ అప్డేట్స్ మాత్రమే చేశారు. హ్యుందాయ్ ఎక్స్టర్ నైట్.. కంపెనీకి చెందిన నైట్ రేంజ్లోకి చేరింది. సాధారణ ఎక్స్టర్ వేరియంట్ల కంటే దీని ధర కొంత ఎక్కువగా ఉంటుంది.
వివరాలు
మరింత ప్రత్యేకమైన లుక్..
రెగ్యులర్ ఎక్స్టర్లో ఉండే ప్రాక్టికాలిటీతో పాటు రోడ్డుపై మరింత ప్రత్యేకమైన లుక్ కోరుకునే వారికి ఇది అందుబాటులో ఉండే ఆప్షన్గా నిలవనుంది.
2022లో నైట్ రేంజ్ను ప్రవేశపెట్టినప్పటి నుంచి వివిధ మోడళ్లలో కలిపి హ్యుందాయ్ ఇప్పటివరకు లక్షకు పైగా నైట్ ఎడిషన్ వాహనాలను విక్రయించింది.
కొత్త ఎక్స్టర్ నైట్లో స్పోర్టీ లుక్ను పెంచేలా పలు కాస్మెటిక్ అప్గ్రేడ్స్ చేశారు.
మ్యాట్ బ్లాక్ హ్యుందాయ్, ఎక్స్టర్ బ్యాడ్జ్లు, డార్క్ గ్రే ఫ్రంట్, రియర్ బంపర్ గార్నిష్లు ఉన్నాయి.
15 ఇంచుల బ్లాక్ అల్లాయ్ వీల్స్తో పాటు ముందు బ్రేక్ కాలిపర్లకు రెడ్ కలర్ను ఇచ్చారు. తక్కువ వేరియంట్లలో డార్క్ గ్రే స్టైల్డ్ స్టీల్ వీల్స్ ఉంటాయి.
వివరాలు
ఫీచర్లు ఇవే..
వెనుక భాగంలోనూ బ్లాక్ థీమ్ను కొనసాగించారు. బ్లాక్ బ్యాడ్జింగ్తో పాటు డార్క్ కలర్ ఎక్స్టీరియర్ యాక్సెంట్స్ను అందించారు.
దీంతో సాధారణ ఎక్స్టర్తో పోలిస్తే ఎక్స్టర్ నైట్కు మరింత ప్రత్యేకమైన లుక్ వచ్చింది.
ఇంటీరియర్లోనూ ఇదే బ్లాక్ థీమ్ను కొనసాగించారు. పూర్తిగా బ్లాక్ కలర్ క్యాబిన్తో పాటు డ్యాష్బోర్డ్, ఇతర ప్రాంతాల్లో బ్రాస్ కలర్ యాక్సెంట్స్ను ఇచ్చారు.
ప్రత్యేకమైన బ్లాక్ సెమీ-ఫ్యాబ్రిక్ సీట్స్, అంబర్ ఫుట్వెల్ యాంబియంట్ లైటింగ్ను అందించారు.
ఎంపిక చేసిన వేరియంట్లలో బ్లాక్ డీ-కట్ స్టీరింగ్ వీల్ ఉంటుంది. అయితే ఈ కాస్మెటిక్ మార్పులు మినహా రెగ్యులర్ ఎక్స్టర్లో ఉన్న ఫీచర్లలో పెద్దగా మార్పులు చేయలేదు.