వావ్.. సరికొత్త లేటెస్ట్ ఫీచర్లతో క్రియాన్ ఎలక్ట్రికల్ స్కూటర్ వచ్చేస్తోంది.. లాంచ్ ఎప్పుడంటే?
ఈ వార్తాకథనం ఏంటి
ఇండియాలో ఈవీ సెగ్మెంట్‌ను లాంచ్ చేసేందుకు ప్రముఖ ఆటోమొబైల్ కంపెనీలన్నీ పోటీపడుతున్నారు. ముఖ్యంగా టూ వీలర్ ఎలక్ట్రిక్ వెహికల్ సెగ్మెంట్‌లో విపరీతమైన పోటీ కనిపిస్తోంది. ఈ దశలో టీవీఎస్ మోటర్స్ క్రియోన్ ఎలక్ట్రికల్ స్కూటర్‌కు సంబంధించి కీలక ఫీచర్లను వెల్లడించింది. ఆగస్ట్ 23న దుబాయ్‌లో జరిగే ఓ కార్యక్రమంలో టీవీఎస్ మోటర్స్ క్రియాన్ ఎలక్ట్రికల్ వెహికల్‌కు సంబంధించిన ఓ వీడియోను రిలీజ్ చేయనుంది. ఈ ఎలక్ట్రికల్ స్కూటర్ ఏథర్ 450S, ఓలా ఎస్ 1 ఎయిర్ వంటి వాటితో పోటీ పడనుంది. క్రియాన్ ఎలక్ట్రిక్ స్కూటర్‌లో LED హెడ్‌లైట్, షార్ప్ ఆప్రాన్ ప్యానెల్స్ వంటి ఆధునిక ఫీచర్లు ఉండనున్నాయి. ఈ వెహికల్‌ను స్మార్ట్ వాచ్‌కు లింక్ చేసే అవకాశాన్ని కల్పించింది.
Details
ఒక్కసారి ఛార్జ్ చేస్తే వంద కిలోమీటర్ల ప్రయాణం
స్మార్ట్ వాచ్ ఆధారంగా ఈ స్కూటర్ లాక్ అన్ చేయడం, ఆఫ్ చేయడం వంటివి చేయోచ్చని ఆ వీడియోలో టాటా మోటర్స్ స్పష్టం చేసింది. క్రియాన్ ఎలక్ట్రిక్ స్కూటర్ బ్యాటరీ గురించి ఆ సంస్థ ఎటువంటి ప్రకటన చేయకపోవడం గమనార్హం. ఈ వెహికల్ కేవలం 5.1 సెకండ్ల వ్యవధిలోనే జీరో నుంచి 60 కి.మీ వేగాన్ని అందుకోగలదని టీవీఎస్ తెలిపింది. దీన్ని ఒక్కసారి ఛార్జ్ చేస్తే దాదాపు వంద కిలోమీటర్ల ప్రయాణిస్తుందని, అదే విధంగా 90 కిలోమీటర్ల వేగంతో ఈ ఎలక్ట్రిక్ స్కూటర్ వెళుతుందని టీవీఎస్ మోటర్స్ పేర్కొంది. క్రియాన్ ఎలక్ట్రిక్ స్కూటర్‌ను రాబోవు పండుగలను దృష్టిలో ఉంచుకొని లాంచ్ చేసే అవకాశమున్నట్లు తెలుస్తోంది.