Renualt Suv : అదిరిపోయే ఫీచర్స్ తో రెనాల్ట్ కిగర్..రిలీజ్ ఎప్పుడో తెలుసా
ఈ వార్తాకథనం ఏంటి
ప్రఖ్యాత కార్ల తయారీ కంపెనీ రెనాల్ట్, కార్డియన్ మోడల్ ను ఆవిష్కరించింది. ఇది బడ్జెట్ కు అనుగుణంగా SUVగా కంపెనీ ప్రవేశపెడుతోంది.
ఈ మేరకు 2024 ప్రారంభంలో బ్రెజిలియన్ ఆటోమోబైల్ మార్కెట్ లోకి తొలుత విడుదల కానుంది.
ఇదే సమయంలో భారతదేశంలో కిగర్ ఫేస్‌లిఫ్టును పోలినట్లు ఉంటుంది. ఈ క్రమంలోనే వినియోగదారులు ఈ కారు కోసం ఆసక్తిగా ఎదురుచూస్తున్నారు.
ఫ్రెంచ్ కార్ల తయారీ సంస్థ, రెనాల్ట్, 2027 నాటికి భారతదేశంలో సరికొత్తగా నాలుగు SUVలను విడుదల చేసేందుకు ప్రణాళికలను సిద్దం చేస్తున్నట్లు కంపెనీ వెల్లడించింది.
ఇందుకోసం తొలుత బ్రెజిల్‌ ఆటో మార్కెట్లో ప్రారంభించేందుకు సిద్ధంగా ఉన్నామని పేర్కొంది. రెనాల్ట్ కార్డియన్ లెవెల్-2 ADAS సూట్‌తో అమర్చబడి ఉంది.
details
ఈ నయా SUVలో మొత్తం 13 అంశాలను కొత్తగా జోడిస్తున్న రెనాల్ట్
ఇందులో అడాప్టివ్ క్రూయిజ్ కంట్రోల్, లేన్ కీప్ అసిస్ట్, అటానమస్ బ్రేకింగ్, ఫ్రంట్ తాకిడి అలెర్ట్ లాంటి ఆధునిక పరికరాలను పొందుపర్చారు.
ఇదే సమయంలో SUVలో పెద్ద డ్యూయల్ డిస్‌ప్లే సెటప్‌ను ప్రదర్శిస్తుంది. ఇందులో 7.0-అంగుళాల ఇన్‌స్ట్రుమెంట్ క్లస్టర్, వైర్‌లెస్ Apple CarPlay, Android Autoకి అనుకూలమైన 8.0-అంగుళాల ఇన్ఫోటైన్‌మెంట్ ప్యానెల్ ఉన్నాయి.
కార్డియన్ ఇంటీరియర్ లేఅవుట్, కిగర్‌ని పోలి ఉంటుంది. యాంబియంట్ లైటింగ్, తాజా గేర్ లివర్‌తో పునరుద్ధరించబడిన డాష్‌బోర్డ్, ఎలక్ట్రానిక్ పార్కింగ్ బ్రేక్, అప్‌డేట్ చేయబడిన క్లైమేట్ కంట్రోల్ ఇంటర్‌ఫేస్ వంటి 13 కొత్త అంశాలు ఈ కార్డియన్ లో ఉండనున్నాయి.
SUVలో కొత్త 1.0-లీటర్, 3-సిలిండర్, GDi టర్బో-పెట్రోల్ ఇంజన్ 125hp/225Nm కలిగి ఉంది.