రాయల్ ఎన్ఫీల్డ్ బుల్లెట్ 350 వర్సెస్ హోండా హైనెస్ సీబీ 350 ఈ రెండిట్లో ఏది బెస్ట్?
ఈ వార్తాకథనం ఏంటి
రాయల్ ఎన్ఫీల్డ్ బుల్లెట్ 350కి 2023 వర్షెన్ లాంచ్ అయ్యింది. ఈ మేరకు దిగ్గజ ఆటోమొబైల్ సంస్థ రిలీజ్ చేసింది. ఈ బైక్ హోండా హైనెస్ CB-350కి గట్టి పోటీగా మారుతుందని మార్కెట్లో అంచనాలు నెలకొన్నాయి. 2023 రాయల్ ఎన్ఫీల్డ్ బుల్లెట్ 350లో టియర్డ్రాప్ షేప్ ఫ్యూయెల్ ట్యాంక్ ఉంది. సర్క్యులర్ హెడ్ల్యాంప్, సిగ్నేచర్ టైగర్ ఐ పిలట్ ల్యాంప్స్, సింగిల్ పీస్ సీట్, వయర్ స్పోక్డ్ వీల్స్ వంటివి లభిస్తున్నాయి. రౌండ్ LED హెడ్ ల్యాంప్, స్లీక్ ఎల్ఈడీ టెయిల్లైట్, వైడ్ హ్యాండిల్ బార్, అప్స్వెప్ట్ ఎగ్సాస్ట్, డిజైనర్ అలాయ్ వీల్స్తో లభిస్తుంది. రాయల్ ధర రూ. 1.74లక్షలు-రూ. 2.16లక్షలు కాగా CB-350 ధర రూ.2.1- రూ.2.15 లక్షల మధ్య ఉంటుంది.
DETAILS
బైక్స్ ఇంజిన్, సేఫ్టీ ఫీచర్స్ తెలుసుకోండిలా
సరికొత్త బుల్లెట్ 350, హోండా హైనెస్ CB-350 మోడల్స్లోని రెండు వీల్స్కు డిస్క్ బ్రేక్స్తో పాటు డ్యూయెల్ ఛానెల్ ఏబీఎస్ బ్రేక్స్ ఉన్నాయి. హోండా బైక్లో హెచ్ఎస్టీసీ (హోండా సెలెక్టెబుల్ టార్క్ కంట్రోల్) ఫీచర్ సైతం వస్తోంది. రెండు బైక్స్కు ఫ్రంట్ లో టెలిస్కోపిక్ ఫోర్క్స్, వెనుకన డ్యూయెల్ షాక్ అబ్సార్బర్స్ వంటివి లభిస్తున్నాయి. బుల్లెట్ 350లో 349 సీసీ సింగిల్ సిలిండర్ జే సిరీస్ ఇంజిన్ ఉంది. 20 హెచ్పీ పవర్ను, 27ఎన్ఎం టార్క్ను ఉత్పత్తి చేస్తుంది. CB-350లో 348.6 సీసీ, ఎయిర్ కూల్డ్, ఫ్యుయెల్ ఇంజెక్టెడ్, సింగిల్ సిలిండర్ మోటార్ తో తయారైంది. 20.8 హెచ్పీ పవర్ను, 30ఎన్ఎం టార్క్ను ఉత్పత్తి చేస్తుంది.