Porsche 911 Turbo S model: లగ్జరీ స్పోర్ట్ కార్ ఫ్యాన్‌లకి షాక్.. పోర్స్చే 911 టర్బో ఎస్ భారత్‌లో లాంచ్!

వ్రాసిన వారు Jayachandra Akuri

Nov 15, 2025

01:09 pm

ఈ వార్తాకథనం ఏంటి

అప్‌డేట్ చేసిన పోర్స్చే 911 టర్బో ఎస్ మోడల్‌ను భారత్‌లో అధికారికంగా విడుదల చేశారు. జర్మనీ మ్యూనిచ్‌లో జరిగిన IAA మొబిలిటీ 2025 ఎగ్జిబిషన్‌లో ఈ లగ్జరీ స్పోర్ట్స్ కారును మొదటగా ఆవిష్కరించారు. ఇది పోర్స్చే 911 సిరీస్‌లో ఇప్పటివరకు వచ్చిన అత్యంత శక్తివంతమైన వెర్షన్‌గా కంపెనీ పేర్కొంది. ముఖ్యంగా T-హైబ్రిడ్ సిస్టమ్ అమర్చడం ఈ మోడల్ ప్రత్యేకతగా నిలుస్తోంది. కొన్ని నెలల క్రితం గ్లోబల్‌గా లాంచ్ చేసిన ఈ రెండు-డోర్ల కూపే ఇప్పుడు భారత మార్కెట్లోకి వచ్చింది. దేశంలో ఈ కారుకు ఎక్స్-షోరూమ్ ధర రూ. 3.80 కోట్లుగా నిర్ణయించారు. లగ్జరీ అనుభూతి, అత్యుత్తమ పనితీరు, హై-ఎండ్ టెక్నాలజీలు — ఇవన్నీ కలిసి ఈ మోడల్‌ను ప్రత్యేకంగా నిలబెడతాయని కంపెనీ ప్రకటించింది.

Details

ఈ మోడల్‌కు మరింత ప్రీమియమ్ టచ్

ఇంటీరియర్ విషయానికి వస్తే, కొత్త 911 టర్బో ఎస్ టర్బోక్‌నైట్ ఇంటీరియర్ ట్రిమ్‌తో వస్తుంది. అలాగే GT స్పోర్ట్ స్టీరింగ్ వీల్, డ్యాష్‌బోర్డ్‌లో డిజిటల్ ఇన్‌స్ట్రుమెంట్ క్లస్టర్, సెంటర్ కన్సోల్, అనలాగ్ క్లాక్ వంటి ఫీచర్లు ఉన్నాయి. అదనంగా, ఎలక్ట్రిక్ అడ్జస్ట్‌మెంట్‌తో వచ్చే స్పోర్ట్ సీట్లు ఈ మోడల్‌కు మరింత ప్రీమియమ్ టచ్‌ను అందిస్తున్నాయి. శక్తివంతమైన పనితీరు కోసం, ఈ కారులో 3.6-లీటర్ ఫ్లాట్-సిక్స్ హైబ్రిడ్ ఇంజిన్‌ను T-హైబ్రిడ్ సిస్టమ్‌తో కలిపి అమర్చారు. ఇందులోని కొత్త టర్బోచార్జర్ వ్యవస్థ ద్వారా కారు 711 bhp పవర్, 800 Nm టార్క్ ఉత్పత్తి చేస్తుందని పోర్స్చే నిపుణులు వెల్లడించారు.

Details

శక్తివంతమైన డ్రైవింగ్ అనుభూతి

ఈ ఇంజిన్‌కు 8-స్పీడ్ PDK ఆటోమేటిక్ ట్రాన్స్‌మిషన్ జత చేశారు. ఇది ఎలక్ట్రిక్ మోటార్‌తో కలిసి పనిచేస్తూ మరింత స్మూత్, శక్తివంతమైన డ్రైవింగ్ అనుభూతి ఇస్తుంది. మొత్తంగా లగ్జరీ, టెక్నాలజీ, శక్తి, పనితీరు అన్నింటినీ సమన్వయం చేస్తూ పోర్స్చే 911 టర్బో ఎస్ T-హైబ్రిడ్ స్పోర్ట్స్ కార్ల విభాగంలో కొత్త ప్రమాణాలను సెట్ చేయనుంది.