భారీ నష్టాలకు అదానీ షేర్లను విక్రయిస్తున్న ఐహెచ్ సీ
ఈ వార్తాకథనం ఏంటి
అదానీ గ్రూప్ కంపెనీల్లో భారీగా పెట్టుబడులు పెట్టిన ఇంటర్నేషనల్ హోల్డింగ్ కంపెనీ పీజేఎస్సీ (IHC) భారీ నష్టాలకు తమ షేర్లను విక్రయించనుంది.
18 నెలల్లోనే అబుదాబికి చెందిన ఈ సంస్థ అదానీకి చెందిన 3 గ్రూపు కంపెనీల్లో రూ.15,400 కోట్లు (2 బిలియన్ డాలర్లు) పెట్టుబడులు పెట్టింది.
వాటిలో అదానీ గ్రీన్ ఎనర్జీలో రూ.3,850 కోట్లు, అదానీ ఎనర్జీ సొల్యూషన్స్ లో రూ.3,850 కోట్లు, అదానీ ఎంటర్ ప్రైజెస్ లో రూ.7,700 కోట్లు చొప్పున పెట్టుబడులు పెట్టింది.
తాజాగా అదానీ గ్రీన్ లో 1.26 శాతం వాటా, అదానీ ఎనర్జీ సొల్యూషన్స్ లో 1.41 శాతం వాటాను విక్రయించనున్నామని అబుదాబి సెక్యూరిటీస్ ఎక్స్ఛేంజ్ కు సమాచారం ఇచ్చింది.
details
ఎంత విలువకు విక్రయించేదీ కంపెనీ వివరించలేదు
ఈ రెండు కంపెనీల్లో తనకున్న పెట్టుబడులను విక్రయించేందుకు కొనుగోలుదారుతో ఒప్పందానికి వచ్చామని కంపెనీ పేర్కొంది. అయితే ఎంత విలువకు విక్రయించేదీ వివరించలేదు.
అదానీ గ్రూపులో ఈ సంస్థకు 3.53 శాతం వాటా ఉండగా. ప్రస్తుతం రూ.9,937 కోట్లుగా విలువ పలుకుతోంది. రూ.7,700 కోట్ల పెట్టుబడిపై వాటా విక్రయిస్తే 29 శాతం లాభాలు వచ్చే అవకాశం ఉంది.
మరోవైపు అదానీలో అవకతవకలు ఉన్నాయంటూ అమెరికాకు చెందిన హిండెన్ బర్గ్ జనవరిలో విడుదల చేసిన నివేదికలు ప్రకంపణలు సృష్టించాయి.
ఈ క్రమంలోనే అదానీ గ్రూప్ షేర్లు దారుణంగా పడిపోయాయి. అదానీ ఎనర్జీ గరిష్ఠ ధర నుంచి 47 శాతం తక్కువలో ట్రేడ్ అవుతోంది.అదానీ ఎనర్జీ సొల్యూషన్స్ సైతం 70 శాతం తక్కువలో ట్రేడ్ అవుతుండటం గమనార్హం.