Amazon Layoff: అమెజాన్ వండరీ యూనిట్‌లో 100 మందికి పైగా ఉద్యోగుల తొలగింపు..
ఈ వార్తాకథనం ఏంటి
అమెజాన్ తన వండరీ (Wondery) పాడ్‌కాస్ట్ విభాగంలో సుమారు 110 మంది ఉద్యోగులను తొలగించనుందని, అలాగే ఆ గ్రూప్‌కు నాయకత్వం వహిస్తున్న అధికారి కూడా పదవికి రాజీనామా చేస్తున్నారని సమాచారం. కంపెనీ ఆడియో విభాగాన్ని పునర్‌వ్యవస్థీకరిస్తుండటంతో ఈ నిర్ణయం తీసుకున్నట్టు తెలుస్తోంది. సోమవారం రోజున ఉద్యోగులకు పంపిన మెమోలో అమెజాన్ ఆడియో, ట్విచ్‌, గేమ్స్‌ విభాగాల వైస్‌ ప్రెసిడెంట్ స్టీవ్‌ బూమ్‌ వివరించారు. ఆయన ప్రకారం, వండరీకి చెందిన కొన్ని యూనిట్లను ఇప్పుడు అమెజాన్‌కు చెందిన ఆడిబుల్‌ (Audible) విభాగంలో విలీనం చేస్తున్నారు. వండరీ సీఈఓ జెన్‌ సార్జెంట్‌ కూడా తన పదవికి రాజీనామా చేస్తున్నట్టు బూమ్‌ తెలిపారు.
వివరాలు
సంబంధిత ఉద్యోగులకు సమాచారం
"ఈ మార్పులు భవిష్యత్తులో మనకి ఉన్న వ్యూహాత్మక అవకాశాలను సద్వినియోగం చేసుకోవడానికి మా టీమ్‌లు మరింత సమన్వయంగా పనిచేసేలా చేస్తాయి. అంతేకాకుండా, క్రియేటర్లకి, వినియోగదారులకి, ప్రకటనదారులకి ఉత్తమ అనుభవాన్ని అందించేందుకు సరైన నిర్మాణం ఉండేలా చూస్తాయి," అని ఆయన మెమోలో చెప్పారు. అయితే, ఈ మార్పుల భాగంగా కొన్ని ఉద్యోగాలు కూడా తొలగించాల్సి వస్తుందని, సంబంధిత ఉద్యోగులకు సమాచారం ఇచ్చామని వివరించారు. ఈ విషయాన్ని తొలుత బ్లూమ్‌బర్గ్‌ వెల్లడించింది.
వివరాలు
వండరీని అమెజాన్‌లో కలపడానికి సంస్థ చర్యలు
ఇది అమెజాన్ వండరీని కొనుగోలు చేసిన సుమారు ఐదు సంవత్సరాల తర్వాత జరుగుతోంది. అమెజాన్ అప్పట్లో ఆడియో కంటెంట్‌ను విస్తరించాలనే ఉద్దేశంతో వండరీని కొనుగోలు చేసింది. "డర్టీ జాన్‌","డాక్టర్‌ డెత్‌" వంటి హిట్‌ షోలతో వండరీ మంచి పేరు సంపాదించింది.ఇటీవల వండరీ, జేసన్‌,ట్రావిస్‌ కెల్స్‌ల "న్యూ హైట్స్‌",డాక్స్‌ షెపర్డ్‌ "ఆర్మ్‌చైర్‌ ఎక్స్‌పర్ట్‌"వంటి పాడ్‌కాస్ట్‌లతో భారీ లైసెన్సింగ్‌ ఒప్పందాలు చేసుకుంది. ఇప్పుడు వండరీని అమెజాన్‌లో కలపడానికి సంస్థ చర్యలు తీసుకుంటోంది. ఇందులో భాగంగా కథనం ఆధారిత పాడ్‌కాస్ట్‌లకు సంబంధించిన బృందాలను, క్రియేటర్లు నడిపించే షోల బృందాల నుండి విడదీస్తోంది. కథనం ఆధారిత పాడ్‌కాస్ట్‌లు ఇకపై ఆడిబుల్‌ విభాగంలో కొనసాగుతాయి. క్రియేటర్‌ ఆధారిత కంటెంట్‌ మాత్రం బూమ్‌ నేతృత్వంలోని కొత్త "క్రియేటర్‌ సర్వీసెస్‌" యూనిట్‌లోకి వెళ్లనుంది.
వివరాలు
పాడ్‌కాస్ట్ రంగం చాలా మారిపోయింది
యూట్యూబ్‌ వేదికగా వీడియో పాడ్‌కాస్ట్‌లకి పెరుగుతున్న డిమాండ్‌ నేపథ్యంలో, అమెజాన్ ఆడియో విభాగం తీవ్ర పోటీని ఎదుర్కొంటోంది. వీడియో షోలు వేరు విధమైన గుర్తింపు, అభివృద్ధి, ఆదాయ మార్గాలను అవసరపడతాయి అని బూమ్‌ స్పష్టం చేశారు. "గత కొన్ని సంవత్సరాల్లో పాడ్‌కాస్ట్ రంగం చాలా మారిపోయింది," అని ఆయన అన్నారు.