Deepinder Goyal : డెలివరీ బాయ్ అవతారం ఎత్తిన జొమాటో సీఈఓకు చేదు అనుభవం
ఈ వార్తాకథనం ఏంటి
జొమాటో సీఈఓ దీపిందర్ గోయల్, తన డెలివరీ ఏజెంట్లకు ఎదురైన సమస్యలను అర్థం చేసుకునేందుకు డెలివరీ బాయ్‌గా మారారు.
ఒక మాల్‌లో ఆర్డర్‌ను కలెక్ట్ చేసేందుకు వెళ్లిన సమయంలో ఆయనకు చేదు అనుభవం ఎదురైంది, దీనిపై ఆయన సోషల్ మీడియాలో పోస్టు చేశారు.
గోయల్ తన భార్య గ్రేసియా మునోజ్‌తో కలిసి డెలివరీ ఏజెంట్‌గా విధులు నిర్వహించారు.
ఆర్డర్‌ను కలెక్ట్ చేసేందుకు మాల్‌లో వెళ్లినప్పుడు, సెక్యూరిటీ సిబ్బంది లిఫ్ట్ ఉపయోగించకుండ మెట్ల మీద ఎక్కాలని సూచించారు.
వివరాలు
డెలివరీ ఏజెంట్ల నుండి ఫీడ్‌బ్యాక్
"గురుగ్రామ్‌లోని ఒక మాల్‌లో హల్దీరామ్స్‌ నుంచి ఆర్డర్ కలెక్ట్ చేసుకునేందుకు వెళ్లగా, వేరే ఎంట్రన్స్‌ నుంచి వెళ్లాలని చెప్పారు. అక్కడ ఎలివేటర్లు లేవని నిర్ధారించుకోవడానికి మరోసారి ప్రధాన ద్వారానికి వెళ్లాను. లిఫ్ట్‌కు అనుమతి లేదని తెలిసి, మూడు అంతస్తులు మెట్ల మీద ఎక్కాల్సి వచ్చింది. ఆర్డర్ కలెక్ట్ చేసుకునే సమయంలో కూడా మెట్ల ద్వారంలో ఎదురుచూడాల్సి వచ్చింది. ఈ సందర్భంలో, డెలివరీ పార్టనర్ల పరిస్థితులను మెరుగుపరచడానికి మాల్ యాజమాన్యంతో కలిసి పనిచేయాలి అనే విషయాన్ని గ్రహించాను. మాల్స్‌ కూడా వారిపై మానవీయ దృక్పథంతో వ్యవహరించాలి" అని ఎక్స్‌లో పోస్టు చేశారు.
అనంతరం ఇతర డెలివరీ ఏజెంట్లతో కాసేపు మాట్లాడి, వారి ఫీడ్‌బ్యాక్ తీసుకున్నట్లు తెలిపారు.
వివరాలు
అందరికీ ఒకేలా లిఫ్ట్ వాడే అవకాశాన్ని కల్పించాలి
ఈ విషయంపై నెటిజన్లు స్పందించారు. వారు మాల్స్‌ మాత్రమే కాదు, కొన్ని కమ్యూనిటీల్లో కూడా ప్రధాన లిఫ్ట్ వాడేందుకు డెలివరీ ఏజెంట్లకు అనుమతించరు అని చెప్పారు.
అందరికీ ఒకేలా లిఫ్ట్ వాడే అవకాశాన్ని కల్పించాలని, వివక్ష ఉండకూడదని వ్యాఖ్యానించారు.
గత వారం గోయల్ ఒక వీడియోను పంచుకున్నారు, అందులో గురుగ్రామ్ వీధుల్లో ఆర్డర్లు డెలివరీ చేస్తూ తన రైడ్‌ను ఆస్వాదిస్తున్నట్లు చూపించారు.
వినియోగదారులకు ఫుడ్ డెలివరీ చేయడాన్ని ఆయన ఇష్టపడతానని చెప్పారు. ఆయన భార్యతో ఉన్న కొన్ని ఫొటోలను కూడా పంచుకున్నారు.
ట్విట్టర్ పోస్ట్ చేయండి
దీపిందర్ గోయల్ చేసిన ట్వీట్
During my second order, I realised that we need to work with malls more closely to improve working conditions for all delivery partners. And malls also need to be more humane to delivery partners.
— Deepinder Goyal (@deepigoyal) October 6, 2024
What do you think? pic.twitter.com/vgccgyH8oE