Gold Rate: గోల్డ్ లవర్స్‌కు గుడ్ న్యూస్.. ఈరోజు భారీగా తగ్గిన పసిడి ధరలు
ఈ వార్తాకథనం ఏంటి
బంగారాన్ని ఇష్టపడే వారికి శుభవార్త. నిన్న కొద్దిగా తగ్గిన బంగారం ధర,ఈరోజు మాత్రం గణనీయంగా పడిపోయింది. ముఖ్యంగా, 24 క్యారెట్ల 10 గ్రాముల బంగారంపై రూ.2,130 తగ్గగా, 22 క్యారెట్ల ధర రూ.1,950 తగ్గింది. బులియన్ మార్కెట్ తాజా అప్‌డేట్ ప్రకారం,మే 15వ తేదీ గురువారం రోజున 22 క్యారెట్ల 10 గ్రాముల బంగారం ధర రూ.86,100గా ఉంది. అదే సమయంలో 24 క్యారెట్ల బంగారం ధర రూ.93,930గా నమోదైంది. తెలుగు రాష్ట్రాలలోని ముఖ్యమైన నగరాలు అయిన హైదరాబాద్, విజయవాడ, విశాఖపట్టణంలోనూ ఇదే ధరలు కొనసాగుతున్నాయి. ఇటీవల బంగారం ధర రూ.లక్షకు చేరువగా ఉండటం గుర్తుంచుకోదగ్గ విషయం కాగా, ఇప్పుడు పసిడి ధరలు కాస్త తగ్గుముఖం పట్టినందుకు వినియోగదారులు ఊపిరిపీల్చుకునే పరిస్థితి ఏర్పడింది.
వివరాలు
వెండి ధర కూడా తగ్గుదల బాటలో
మరోవైపు వెండి ధర కూడా నేడు తగ్గింది. గత రెండు రోజులు వరుసగా వెండి ధర తగ్గిన తర్వాత, నిన్న స్థిరంగా ఉండగా, ఈ రోజు మళ్లీ ధరలు తగ్గాయి. బులియన్ మార్కెట్‌లో ఈ రోజు కిలో వెండి ధర రూ.97,000గా నమోదైంది. తెలుగు రాష్ట్రాలలో కిలో వెండి ధర మాత్రం రూ.1,08,000గా ఉంది. మరోవైపు, ముంబయి, ఢిల్లీ, బెంగళూరు వంటి ప్రధాన నగరాలలో వెండి ధర రూ.97,000గా కొనసాగుతోంది. ప్రాంతాల వారీగా బంగారం, వెండి ధరల్లో తేడా ఉండటం సహజమన్న విషయం తెలిసిందే. ఇవి ఈ రోజు ఉదయం 10 గంటల వరకు పలు వెబ్‌సైట్లలో నమోదైన ధరలు ఇవి.