Gold Rate Today: భారీగా తగ్గిన బంగారం.. నేటి బంగారం ధర ఎంత అంటే..?
ఈ వార్తాకథనం ఏంటి
బంగారం ధర స్వల్పంగా తగ్గినా,ఆల్ టైం గరిష్ట స్థాయికి సమీపంలోనే కొనసాగుతోంది మార్చి 31, సోమవారం నాటికి బంగారం ధర కొద్దిగా తగ్గినప్పటికీ,ఇది ఇంకా రికార్డు స్థాయికి సమీపంగా ట్రేడ్ అవుతోంది.
గడచిన రోజు,బంగారం తన ఆల్ టైం హై ని తాకింది.24 క్యారెట్ల 10గ్రాముల బంగారం రూ. 92,400 వద్ద కొనుగోలు ధరను చేరుకుంది.
ఇది చరిత్రలోనే అత్యధిక స్థాయి అని చెప్పవచ్చు.ఇక తాజా ధరలను పరిశీలిస్తే,నేడు 24 క్యారెట్ల 10 గ్రాముల బంగారం ధర రూ. 92,190 గా ఉంది.
అదే విధంగా, 22క్యారెట్ల 10గ్రాముల బంగారం ధర రూ. 83,590 గా ఉంది.మరోవైపు,వెండి ధర కూడా పెరిగి,ప్రస్తుతం 1 కేజీ వెండి ధర రూ. 1,02,900 కి చేరుకుంది.
వివరాలు
ప్రపంచ ఆర్థిక వ్యవస్థపై ప్రభావం
గత కొన్ని వారాలుగా బంగారం ధర పెద్ద ఎత్తున పెరుగుతూనే ఉంది.తాజా పరిణామాల ప్రకారం, అమెరికా అధ్యక్షుడు డొనాల్డ్ ట్రంప్ ఏప్రిల్ 2న మరిన్ని ప్రతిస్పందన సుంకాలను ప్రకటిస్తానని ప్రకటించారు.
దీని ప్రభావంతో అమెరికా స్టాక్ మార్కెట్లు భారీగా పతనమవుతున్నాయి. ఫలితంగా,పెట్టుబడిదారులు తమ నిధులను బంగారంలో పెట్టుబడి చేస్తున్న కారణంగా, బంగారం ధర పెరుగుతోంది.
అంతేకాకుండా,ట్రంప్ ఇటీవల ఇరాన్‌పై యుద్ధ చర్యలు చేపడతానని చేసిన ప్రకటన కూడా ప్రపంచ ఆర్థిక వ్యవస్థపై ప్రభావం చూపుతోంది.
వరుసగా వివాదాస్పద వ్యాఖ్యలు చేయడం వల్ల అమెరికా ఆర్థిక వ్యవస్థ ఒడిదుడుకులకు లోనవుతోంది.
ఇప్పటికే స్టాక్ మార్కెట్లు భారీ నష్టాలను చవిచూస్తుండగా,మరింత క్షీణించడానికి అవకాశాలున్నాయి.
వివరాలు
బంగారం ధర పెరుగుదల - వినియోగదారులకు ఎదురవుతున్న సవాళ్లు
ప్రస్తుతం, ఫ్యూచర్స్ మార్కెట్లో బంగారం ధర అమెరికాలో ఒక ఔన్స్‌కు 3110డాలర్లను దాటి ఆల్ టైం రికార్డు సృష్టించింది. చరిత్రలో ఇంత అధిక ధర పలకడం ఇదే తొలిసారి.
ప్రతిరోజూ బంగారం కొత్త గరిష్టాలను నమోదు చేస్తూ ముందుకు సాగుతోంది.ఈ క్రమంలో,రిటైల్ మార్కెట్లో బంగారు ఆభరణాల కొనుగోలు ఖర్చుతో కూడుకున్న విషయమవుతోంది.
వినియోగదారులు బంగారు ఆభరణాలను కొనాలంటే భారీ మొత్తాన్ని వెచ్చించాల్సిన పరిస్థితి ఏర్పడింది.
22క్యారెట్ల బంగారం ధర కూడా 84,000రూపాయల సమీపంలో ఉంది,ఇది చరిత్రలోనే అత్యధిక స్థాయిగా నమోదైంది.
ఇంతకుముందే భారతదేశంలో వివాహా సీజన్ ప్రారంభమవుతుండటంతో,బంగారం ధర పెరుగుదల వినియోగదారులకు ఆర్థిక భారం పెంచేలా మారింది.
ఈ స్థితిలో బంగారం కొనుగోలు చేయాలంటే వినియోగదారులు మరింత ఖర్చు చేయాల్సిన అవసరం ఏర్పడింది.