Gold prices: ఆల్ టైమ్ రికార్డ్ స్థాయికి బంగారం ధర.. కీలక అంశాలేంటో ఇప్పుడు చూద్దాం..
ఈ వార్తాకథనం ఏంటి
ఇటీవలి మూడు రోజులుగా బంగారం ధరలు దేశవ్యాప్తంగా విపరీతంగా పెరుగుతున్నాయి. ఈ ధోరణి కారణంగా గోల్డ్ రేట్లు ఆల్ టైమ్ గరిష్ఠాలను చేరడానికి ప్రయత్నిస్తున్నాయి. మరోవైపు సెంట్రల్ బ్యాంకులు తమ కొనుగోళ్లను నిరంతరంగా కొనసాగించడం కూడా ఈ రేట్ల పెరుగుదలకు కారణమవుతోంది. ప్రస్తుత ధరల పెరుగుదలతో వారాంతంలో షాపింగ్ చేసేందుకు భావించిన భారతీయ పసిడి ప్రియులు, రేట్లు అధికంగా ఉండటం వల్ల గందరగోళానికి గురవుతున్నారు. గ్రాము ధర దాదాపు రూ.8000కి చేరుకోవడం దీనికి ఉదాహరణగా ఉంది.
వివరాలు
22 క్యారెట్ల పసిడి రూ.8000
22 క్యారెట్ల పసిడి ధరలో నిన్నటితో పోలిస్తే 100 గ్రాములకు రూ.8000 పెరుగుదల నమోదు అయింది. దీనివల్ల దేశంలోని వివిధ నగరాల్లోని బంగారం రిటైల్ ధరలు ఈ విధంగా ఉన్నాయి: చెన్నై, ముంబై, కలకత్తా, బెంగళూరు, కేరళలో గ్రాముకు రూ.7240, దిల్లీలో రూ.7255, వడోదరలో రూ.7245, అహ్మదాబాదులో రూ.7245, జైపూరులో రూ.7255, మంగళూరులో రూ.7240, నాశిక్‌లో రూ.7243, అయోధ్యలో రూ.7255, బళ్లారిలో రూ.7240, గురుగ్రామ్, నోయిడాలో రూ.7255 వద్ద ఉన్నాయి. జీఎస్టీ, తరుగు, గోల్డ్ షాపుల లాభాలు, ఖర్చులను ఈ రేట్లలో కలిపి చెల్లించాల్సి ఉంటుంది.
వివరాలు
24 క్యారెట్ల బంగారం రూ.8700
అదే విధంగా, 24 క్యారెట్ల బంగారం ధర 100 గ్రాములకు రూ.8700 పెరుగుదల నమోదు చేసింది. ముఖ్య నగరాల్లో 24 క్యారెట్ల రేట్లు గ్రాముకు చెన్నై,ముంబై, కలకత్తా, బెంగళూరులో రూ.7898, దిల్లీలో రూ.7913,వడోదర, అహ్మదాబాదులో రూ.7903, జైపూరులో రూ.7913, మంగళూరులో రూ.7898, నాశిక్‌లో రూ.7901, గురుగ్రామ్, నోయిడాలో రూ.7913 వద్ద ఉన్నాయి. ఆంధ్రప్రదేశ్, తెలంగాణ రాష్ట్రాల నగరాలు అయిన విజయవాడ, గుంటూరు, కాకినాడ, తిరుపతి, నెల్లూరు, అనంతపురం, కడప, విశాఖలో 22 క్యారెట్ల ధర రూ.7240, 24 క్యారెట్ల ధర రూ.7898 వద్ద ఉంది. అలాగే, హైదరాబాద్, ఖమ్మం, కరీంనగర్, నిజాంబాద్, వరంగల్ నగరాల్లోనూ ఇదే ధరలు ఉన్నాయి. వెండి ధర కూడా కేజీకి రూ.2000 పెరిగి ప్రస్తుతం రూ.1,05,000 వద్ద ఉంది.
వివరాలు
ఇజ్రాయెల్-ఇరాన్ మధ్య ఉద్రిక్తతలు.. బంగారం ధరల పెరుగుదలకు ఒక కారణం
ఇజ్రాయెల్-ఇరాన్ మధ్య ఉద్రిక్తతలు ఈ బంగారం ధరల పెరుగుదలకు ఒక ప్రధాన కారణంగా కనిపిస్తున్నాయి. భౌగోళిక రాజకీయ అస్తిరత వల్ల పెట్టుబడిదారులు బంగారంలో పెట్టుబడులు పెట్టడానికి మొగ్గు చూపుతున్నారు, ఇది ధరల పెరుగుదలకు దారితీస్తుంది. దీనితో పాటు, ద్రవ్యోల్బణం, వడ్డీ రేట్లు, ఇతర ఆర్థిక పరిస్థితులు కూడా బంగారం ధరల కదలికపై ప్రభావం చూపుతాయి. బంగారంలో పెట్టుబడులకు ఆసక్తి ఉన్నవారు మార్కెట్ ట్రెండ్స్ మరియు తాజా వార్తలను గమనిస్తూ ఉండడం మంచిది.