LPG cylinder: గుడ్ న్యూస్.. కమర్షియల్ ఎల్పీజీ సిలిండర్‌కు భారీ తగ్గింపు!
ఈ వార్తాకథనం ఏంటి
జులై 1న నూతన ఎల్పీజీ (లిక్విఫైడ్ పెట్రోలియం గ్యాస్) సిలిండర్ రేట్లను చమురు మార్కెటింగ్ సంస్థలు ప్రకటించాయి. తాజా ధరల ప్రకారం, వాణిజ్య ఉపయోగానికి వినియోగించే 19 కిలోల ఎల్పీజీ సిలిండర్ ధర దేశవ్యాప్తంగా కొంత మేర తగ్గింది. ముఖ్యంగా దిల్లీ సహా పలు ప్రధాన నగరాల్లో సుమారు రూ.60 వరకూ ధర తగ్గినట్లు వెల్లడించారు.
Details
కమర్షియల్ ఎల్పీజీ ధరల తగ్గింపు
దిల్లీలో 19 కిలోల కమర్షియల్ సిలిండర్ ధర రూ.1723.50 నుండి రూ.1665కి తగ్గింది. అంటే రూ.58.5 తగ్గింపైంది. కోల్‌కతాలో అదే సిలిండర్ ధర రూ.1826 నుంచి రూ.1769కి తగ్గింది (రూ.57 తగ్గింపు). ముంబైలో జూన్‌లో రూ.1674.50గా ఉన్న సిలిండర్, ఇప్పుడు రూ.1616కు లభిస్తోంది (రూ.58.50 తగ్గింపు). చెన్నైలో ఇది రూ.1881 నుంచి రూ.1823.50కి తగ్గింది. గృహ వినియోగ గ్యాస్ ధరల్లో ఎలాంటి మార్పు లేదు. ఈ ఏడాది ఏప్రిల్ నుంచే ఈ ధరలు స్థిరంగా కొనసాగుతున్నాయి. జులై నెలకు కూడా అదే ధరలు అమలులో ఉన్నాయి.
Details
ప్రధాన నగరాల్లో డొమెస్టిక్ ఎల్పీజీ ధరలు (జులైలో)
దిల్లీ: రూ. 853.00 గురుగ్రామ్: రూ. 861.50 అహ్మదాబాద్: రూ. 860.00 జైపూర్: రూ. 856.50 పట్నా: రూ. 942.50 ఆగ్రా: రూ. 865.50 ఘజియాబాద్: రూ. 850.50 ఇండోర్: రూ. 881.00 భోపాల్: రూ. 858.50 లుధియానా: రూ. 880.00 వారణాసి: రూ. 916.50 ముంబై: రూ. 890.00 హైదరాబాద్: రూ. 905.00 విజయవాడ: రూ. 877.50 బెంగళూరు: రూ. 855.50 చెన్నై: రూ. 868.50
Details
ధరల పెరుగుదల లేదా తగ్గుదలకు కారణం
అంతర్జాతీయ మార్కెట్లో ముడి చమురు ధరలు, డిమాండ్-సరఫరా పరిస్థితులపై ఆధారపడి ఉంటుంది. ఉదాహరణకు, మే 2025లో దిల్లీలో 19 కిలోల సిలిండర్ ధర రూ.1747.50గా ఉండగా, జూన్‌లో అది రూ.1723.50కి తగ్గింది. ఇప్పుడు జులైలో మరింత తగ్గి రూ.1665కి చేరింది. సాధారణ ప్రజలకు ఊరట ఇప్పటికైనా కమర్షియల్ ఎల్పీజీ ధరలు తగ్గడంతో రెస్టారెంట్లు, హోటళ్లు, వాణిజ్య సంస్థలు ప్రయోజనం పొందే అవకాశముంది. దీని ప్రభావంగా ఉత్పత్తుల ధరలు కూడా కొంత తగ్గే అవకాశం ఉందని విశ్లేషకులు అభిప్రాయపడుతున్నారు. డొమెస్టిక్ వినియోగదారులకు ధరల మార్పు లేకపోయినా, వాణిజ్య వినియోగదారులకు కమర్షియల్ గ్యాస్ చౌకగా లభించడం కొంత ఊరట కలిగించే అంశమే.