Indo Farm Equipment: బీఎస్‌ఈ, ఎన్‌ఎస్‌ఈలో ఇండోఫార్మ్‌ షేర్ల శుభారంభం
ఈ వార్తాకథనం ఏంటి
ఇండో ఫార్మ్ ఎక్విప్మెంట్ కంపెనీ షేర్లు మంగళవారం దలాల్‌ స్ట్రీట్‌లో ఘనంగా లిస్ట్‌ అయ్యాయి.
ట్రాక్టర్లు, క్రేన్లు, ఇతర వ్యవసాయ పరికరాలను తయారుచేసే ఈ సంస్థ భారీ బిడ్ల సమర్పణ తర్వాత 20 శాతం ప్రీమియంతో లిస్టింగ్‌ అయింది.
ఇష్యూ ధర రూ.215గా ఉండగా, బీఎస్‌ఈలో రూ.258.40 వద్ద ట్రేడింగ్‌ ప్రారంభమైంది. ఎన్‌ఎస్‌ఈలో 19.07 శాతం ప్రీమియంతో రూ.256 వద్ద లిస్టింగ్‌ జరిగింది.
ఇండో ఫార్మ్ ఎక్విప్మెంట్ ఐపీఓ ద్వారా రూ.250 కోట్లు సమీకరించాలనే లక్ష్యంతో ముందుకొచ్చింది. ఒక్కో షేరు ధరలను రూ.204-215 రేంజ్‌గా నిర్ణయించి, మదుపరులు కనీసం 69 షేర్లకు బిడ్లు వేసేలా ప్రణాళిక రూపొందించింది.
షేర్లు అలాట్‌ అయిన మదుపరులు లిస్టింగ్‌ రోజున ఒక్కో లాట్‌పై రూ.2,829 లాభం పొందారు.
Details
ఇన్వెస్టర్ల నుంచి రూ.78 కోట్లు సమీకరణ
తొలిరోజునే 17.70 రెట్ల బిడ్లు అందుకున్న ఈ ఐపీఓ చివరి రోజుకు నాన్‌ ఇన్‌స్టిట్యూషనల్‌ ఇన్వెస్టర్ల కోటా 501.65 రెట్లు, క్వాలిఫైడ్‌ ఇన్‌స్టిట్యూషనల్‌ బయ్యర్ల కోటా 242.40 రెట్లు, రిటైల్‌ పోర్షన్‌ 101.64 రెట్లు సబ్‌స్క్రిప్షన్‌ దక్కించుకుంది.
ఇండో ఫార్మ్ ఇప్పటికే యాంకర్‌ ఇన్వెస్టర్ల నుంచి రూ.78 కోట్లు సమీకరించింది.
ఫ్రెష్‌ ఇష్యూ ద్వారా పొందిన నిధులను పిక్‌ అండ్‌ క్యారీ క్రేన్స్‌ తయారీ సామర్థ్యాన్ని పెంచడం, రుణాల చెల్లింపులు, ఎన్‌బీఎఫ్‌సీ బరోటా ఫైనాన్స్‌లో పెట్టుబడులు, మూలధన అవసరాలకు వినియోగించనున్నట్లు కంపెనీ ప్రకటించింది.
తక్కువ ప్రీమియంతో లిస్టింగ్‌ జరగడంతో మదుపరులు కొంత నిరాశ చెందగా, ఐపీఓ సబ్‌స్క్రిప్షన్‌ అంచనాలను అందుకోగలిగిన సంస్థ లిస్టింగ్‌ రోజున విశ్లేషకుల అంచనాలకు తగ్గట్టుగా ప్రదర్శన చూపలేకపోయింది.