iPhone: ఐఫోన్ల దూకుడు.. భారత స్మార్ట్‌ఫోన్ ఎగుమతులకు కొత్త రికార్డ్!
ఈ వార్తాకథనం ఏంటి
భారత స్మార్ట్‌ ఫోన్ ఎగుమతులు ఆర్థిక సంవత్సరం 2025-26 మొదటి త్రైమాసికంలో అట్టడుగు నుంచి ఎగిసి $7.72 బిలియన్లకు చేరాయి. ఇది గత ఏడాది ఇదే కాలంతో పోల్చితే ఏకంగా 58 శాతం వృద్ధి. ఈ రికార్డు స్థాయి ఎగుమతులకు ప్రధాన కారణం ఆపిల్ సంస్థ భారీగా ఐఫోన్లను దేశం నుంచి దిగుమతి చేయడమే. మొత్తం ఎగుమతుల్లో దాదాపు 78 శాతం వాటా ఐఫోన్లదే. కేవలం Q1 (జూన్ ముగిసే త్రైమాసికం) లోనే ఆపిల్ తన సరఫరాదారుల ద్వారా రూ. 6 బిలియన్ల విలువైన ఐఫోన్లు ఎగుమతి చేసింది. ఇది గత ఏడాది ఇదే కాలంతో పోల్చితే 82 శాతం పెరిగింది.
మార్కెట్ ప్రభావం
అమెరికా టారిఫ్ రివ్యూకి భారత ఐఫోన్ల ఎగుమతులపై ప్రభావం ఉంటుందా?
ఆపిల్‌కు భారత మార్కెట్ భారీ వృద్ధిని ఇచ్చినప్పటికీ, దీర్ఘకాలిక వ్యాపారానికి మాత్రం కొన్ని అనిశ్చితులు ఉన్నాయి. ప్రస్తుతం అమెరికా ప్రభుత్వం Trade Expansion Act (Section 232) కింద టారిఫ్‌లను పునఃసమీక్షిస్తోంది. ఈ చట్టం ఆధారంగా జాతీయ భద్రత నెపంతో అమెరికా అధ్యక్షుడు దిగుమతులపై సుంకాలు విధించే అధికారం పొందతారు. దీనిపై నివేదిక ఆగస్టు 14న రానుంది. దీనివల్ల భారత్ నుంచి జరిగే ఆపిల్ ఎగుమతులకు భవిష్యత్తులో అడ్డంకులు ఏర్పడే అవకాశముంది.
విధాన ప్రభావం
PLI స్కీమ్ వల్లే భారత ఎగుమతుల్లో విప్లవాత్మక వృద్ధి
2020లో ప్రారంభమైన ప్రొడక్షన్-లింక్డ్ ఇన్సెంటివ్ (PLI) స్కీమ్ భారత స్మార్ట్‌ఫోన్ ఎగుమతుల్లో కీలక పాత్ర పోషించింది. FY21లో కేవలం $3.1 బిలియన్లుగా ఉన్న ఎగుమతులు FY25లో $24.1 బిలియన్లకు చేరాయి. ఇందులో ఒంటరిగా ఆపిల్ వాటా $17.5 బిలియన్లు. FY26 మొదటి త్రైమాసికం నుంచే $7.72 బిలియన్ల విలువైన స్మార్ట్‌ఫోన్లు ఎగుమతయ్యాయి. ఇది ఈ ఆర్థిక సంవత్సరంలో రికార్డ్ బ్రేకింగ్ నంబర్లకు దారితీయవచ్చు.
ఎగుమతి ర్యాంకింగ్
ఇప్పటికే టాప్ ఎగుమతి ఐటెంగా మారిన స్మార్ట్‌ఫోన్లు
FY15లో భారత్ ఎగుమతుల్లో 167వ స్థానంలో ఉన్న స్మార్ట్‌ఫోన్లు, FY25 నాటికి టాప్ ఎగుమతి ఐటెంగా మారాయి. Harmonized System (HS) కోడ్ ప్రకారం ఇప్పుడు దేశ అత్యధిక ఎగుమతుల ఉత్పత్తిగా నిలిచాయి. దీనికి కారణం - విదేశీ పెట్టుబడుల పెరుగుదల, కేంద్ర ప్రభుత్వం ఇచ్చిన ఉత్పత్తి ప్రోత్సాహకాలు, అలాగే భారత మేడ్ ఫోన్లకు ప్రపంచవ్యాప్తంగా పెరుగుతున్న డిమాండ్.
మార్కెట్ ప్లేయర్లు
ఆపిల్ కాకుండా మిగిలిన కంపెనీలు కూడా కృషి
ఆపిల్ మాత్రమే కాదు, ఇతర సంస్థలూ స్మార్ట్‌ఫోన్ ఎగుమతులలో తమదైన పాత్ర పోషిస్తున్నాయి. ముఖ్యంగా సామ్సంగ్, ప్యాడ్జెట్ ఎలక్ట్రానిక్స్ (డిక్సన్ టెక్నాలజీస్ అనుబంధం) సంస్థలూ ఈ దూకుడులో భాగమయ్యాయి. సామ్సంగ్ మొత్తం ఎగుమతుల్లో 12 శాతం, ప్యాడ్జెట్ సహా ఇతర సంస్థలు కలిపి మరొక 10 శాతం వాటా కలిగి ఉన్నాయి. FY26 Q1లో ప్యాడ్జెట్ ఒంటరిగా $175 మిలియన్ల విలువైన ఫోన్లు ఎగుమతి చేసింది. భవిష్యత్తులో అమెరికా టారిఫ్ ప్రభావం ఎలా ఉండబోతుందో తేలాల్సి ఉన్నా.. ఈ సమయంలో భారత్ నుంచి స్మార్ట్‌ఫోన్ ఎగుమతులు ప్రపంచ దృష్టిని ఆకర్షిస్తున్నాయి.