జీఎస్టీ సవరణ బిల్లుకు లోక్‌సభ గ్రీన్ సిగ్నల్.. క్యాసినోపై 28 శాతం పన్ను
జీఎస్టీ సవరణ బిల్లు - 2023కి లోక్‌సభ పచ్చజెండా ఊపింది. దీంతో ఆన్లైన్ గేమింగ్, క్యాసినో, గుర్రపు పందేలు 28 శాతం పన్ను శ్లాబులోకి వచ్చేశాయి. ఈ మేరకు శుక్రవారం కేంద్ర ఆర్థిక శాఖ మంత్రి నిర్మలా సీతారామన్‌ లోక్‌సభలో ప్రవేశపెట్టారు. ఆన్లైన్ గేమింగ్, క్యాసినోలు, క్యాసినో బెట్టింగ్, హార్స్ రేసింగ్ పై 28 శాతం పన్ను విధించేలా ఇంటిగ్రేటెడ్ గూడ్స్ అండ్ సర్వీస్ టాక్స్ యాక్ట్ - 2017 (IGST),సెంట్రల్ గూడ్స్ అండ్ సర్వీస్ టాక్స్ యాక్ట్- 2017(CGST)కి సవరణలు కోరిన బిల్లుకు సభ ఆమోదముద్ర వేసింది. మరోవైపు జీఎస్టీకి సవరణ బిల్లుపై కాంగ్రెస్‌ అభ్యంతరం లేవనెత్తింది. విపక్షాల నిరసనల మధ్యే ఆయా బిల్లులకు గ్రీన్ సిగ్నల్ లభించింది.
