LPG Price: బడ్జెట్ ముందు సామాన్యులకు ఉపశమనం.. తగ్గిన గ్యాస్ సిలిండర్ ధర
ఈ వార్తాకథనం ఏంటి
ప్రతి నెలా 1వ తేదీ వచ్చీరాగానే గ్యాస్ సిలిండర్ ధరల్లో మార్పు చోటుచేసుకుంటుంది.
ఆయిల్ కంపెనీలు సిలిండర్ ధరలను సమీక్షించి సవరించడంతో పాటు ఫిబ్రవరి 1వ తేదీ నాటికి కూడా కొత్త మార్పులు తీసుకువచ్చాయి.
భారతదేశంలో చమురు మార్కెటింగ్ కంపెనీలు 14 కిలోల గృహోపయోగ (డొమెస్టిక్) సిలిండర్, 19 కిలోల వాణిజ్య సిలిండర్ ధరలను నిర్ణయిస్తుంటాయి.
ఈ మార్పు ప్రతి నెలా 1వ తేదీన అమలులోకి వస్తుంది. అలాగే, CNG , PNG ధరలు కూడా ఈ ప్రక్రియలో నిర్ణయిస్తాయి.
దేశ సాధారణ బడ్జెట్‌కు ముందు సామాన్య ప్రజలకు శుభవార్త అందింది.
ఫిబ్రవరి 1వ తేదీ తెల్లవారుజామున ప్రభుత్వ చమురు కంపెనీలు సిలిండర్ ధరలను మరోసారి తగ్గించాయి.
వివరాలు
LPG సిలిండర్ ధరలు ఎంత మేర తగ్గాయి?
అయితే, అదే సమయంలో OMCలు ఇంధనం ధరను భారీగా పెంచాయి. దీని ప్రభావంగా విమాన ప్రయాణ ఖర్చు పెరిగే అవకాశం ఉంది.
ఫిబ్రవరి 1వ తేదీ నుంచి దేశవ్యాప్తంగా ఎల్‌పీజీ సిలిండర్, ATF (ఏవియేషన్ టర్బైన్ ఫ్యూయల్) కొత్త ధరలు అమలులోకి వచ్చాయి.
వాణిజ్య గ్యాస్ సిలిండర్ ధరలు వరుసగా రెండో నెల కూడా తగ్గాయి. దేశ రాజధాని ఢిల్లీలో 19 కేజీల వాణిజ్య గ్యాస్ సిలిండర్ ధర రూ.7 తగ్గి, రూ.1,797కి చేరింది.
కోల్‌కతాలో కనిష్టంగా రూ.4 తగ్గింపుతో రూ.1,907గా మారింది. ముంబై, చెన్నై నగరాల్లో రూ.6.5 తగ్గింపుతో వరుసగా రూ.1,749.50 మరియు రూ.1,959.50 ధరలుగా స్థిరపడ్డాయి.
వివరాలు
మెట్రో నగరాల్లో 19 కేజీల వాణిజ్య సిలిండర్ ధరలు:
19 కేజీల వాణిజ్య ఎల్‌పీజీ సిలిండర్ ధరలు తగ్గించబడటంతో, వాటికి రూ.7 తగ్గింపు లభించింది.
ఈ కొత్త ధరలు తక్షణమే అమల్లోకి వచ్చాయి. అయితే, డొమెస్టిక్ ఎల్‌పీజీ గ్యాస్ సిలిండర్ ధరలో ఎటువంటి మార్పు లేదు.
ఢిల్లీ - ₹1,797.00
కోల్‌కతా - ₹1,907.00
ముంబై - ₹1,749.50 చెన్నై - ₹1,959.50
హైదరాబాద్ - ₹2,023
వివరాలు
డొమెస్టిక్ గ్యాస్ సిలిండర్ ధర యథాతథం
మరోవైపు, గృహోపయోగ గ్యాస్ సిలిండర్ ధరల్లో గత 11 నెలలుగా ఎటువంటి మార్పు జరగలేదు.
చివరిసారిగా మార్చి 2024లోనే ప్రభుత్వ నిర్ణయంతో IOCL డొమెస్టిక్ గ్యాస్ సిలిండర్ ధరను రూ.100 తగ్గించింది.
హోలీ పండుగ, లోక్‌సభ ఎన్నికల నేపథ్యంలో సామాన్యులకు ఊరట కల్పించడానికి ప్రభుత్వం ఈ నిర్ణయం తీసుకుంది.
అప్పటి నుంచి ఇప్పటి వరకు డొమెస్టిక్ ఎల్‌పీజీ సిలిండర్ ధర మారలేదు.
ప్రస్తుతం డొమెస్టిక్ గ్యాస్ సిలిండర్ ధరలు:
ఢిల్లీ - ₹803
కోల్‌కతా - ₹829
ముంబై - ₹802.50
చెన్నై - ₹818.50
హైదరాబాద్ - ₹855