Stock Market: ఫ్లాట్‌గా ట్రేడవుతున్న దేశీయ స్టాక్ మార్కెట్‌ సూచీలు.. నిఫ్టీ@25,100
ఈ వార్తాకథనం ఏంటి
దేశీయ ఈక్విటీ మార్కెట్లు మంగళవారం లాభాలతో ప్రారంభమైనప్పటికీ, తర్వాతి ట్రేడింగ్‌లో స్థిరంగా కదులుతున్నాయి.
అంతర్జాతీయ మార్కెట్ల నుంచి వచ్చిన మిశ్రమ సంకేతాల నేపథ్యంలో స్టాక్ సూచీలు ఉదయం లాభాలతో ట్రేడింగ్‌ను ప్రారంభించాయి.
ఉదయం 9:28 గంటల సమయంలో సెన్సెక్స్‌ 56 పాయింట్ల పెరుగుదలతో 82,509 స్థాయిలో, నిఫ్టీ 22 పాయింట్ల లాభంతో 25,125 వద్ద ట్రేడవుతున్నాయి.
సెన్సెక్స్‌లోని 30 ప్రధాన స్టాకుల్లో టెక్ మహీంద్రా, ఇండస్‌ఇండ్‌ బ్యాంక్, అల్ట్రాటెక్ సిమెంట్‌, ఎన్టీపీసీ, టాటా స్టీల్‌, అదానీ పోర్ట్స్‌, హెచ్‌సీఎల్ టెక్నాలజీస్‌, ఇన్ఫోసిస్‌, మారుతీ సుజుకీ, టాటా మోటార్స్‌, మహీంద్రా అండ్ మహీంద్రా, టీసీఎస్‌ షేర్లు లాభాల్లో కొనసాగుతున్నాయి.
వివరాలు
బ్రెంట్ క్రూడ్ ఆయిల్ బ్యారెల్ ధర 67.33 డాలర్లు
మరోవైపు, ఎటర్నల్, ఏషియన్ పెయింట్స్, ఐసీఐసీఐ బ్యాంక్, హెచ్‌డీఎఫ్‌సీ బ్యాంక్, భారతీ ఎయిర్‌టెల్, పవర్‌గ్రిడ్ కార్పొరేషన్, హెచ్‌యూఎల్ షేర్లు నష్టాల్లో ట్రేడవుతున్నాయి.
విదేశీ మారక ద్రవ్య విభాగంలో రూపాయి విలువ డాలరుతో పోల్చితే 85.61 వద్ద ట్రేడింగ్‌ను మొదలుపెట్టింది.
అంతర్జాతీయంగా బ్రెంట్ క్రూడ్ ఆయిల్ బ్యారెల్ ధర 67.33 డాలర్ల వద్ద కొనసాగుతుండగా, బంగారం ధర ఔన్సుకి 3,326 డాలర్ల వద్ద ఉంది.
అమెరికా స్టాక్ మార్కెట్లు సోమవారం ట్రేడింగ్‌ను స్థిరంగా ముగించాయి.
నాస్‌డాక్ 0.31 శాతం, ఎస్ అండ్ పీ 500 సూచీ 0.09 శాతం లాభపడినప్పటికీ, డోజోన్స్ ఇండెక్స్‌ మాత్రం పెద్దగా మారకుండా స్థిరంగా ముగిసింది.
వివరాలు
ఆసియా-పసిఫిక్ మార్కెట్లలో ఈ రోజు పాజిటివ్ టోన్
ఆసియా-పసిఫిక్ మార్కెట్లలో ఈ రోజు పాజిటివ్ టోన్ కనిపిస్తోంది.
జపాన్ నిక్కీ సూచీ 1.01 శాతం, ఆస్ట్రేలియాలోని ASX సూచీ 0.74 శాతం, హాంగ్‌సెంగ్ 0.16 శాతం, షాంఘై సూచీ 0.10 శాతం లాభాల్లో ఉన్నాయి.
విదేశీ సంస్థాగత మదుపుదారులు (FIIs) వరుసగా రెండవ రోజు కొనుగోళ్లకే మొగ్గుచూపారు.
సోమవారం ఒక్కరోజే వారు నికరంగా రూ.1,993 కోట్ల విలువైన షేర్లను కొనుగోలు చేశారు.
అంతేగాక, దేశీయ సంస్థాగత మదుపుదారులు (DIIs) అదే రోజు రూ.3,504 కోట్ల షేర్లను నికరంగా కొనుగోలు చేశారు.