PAN 2.0: పాన్ 2.0.. పాత కార్డులు కొనసాగుతాయా? ఐటీ శాఖ క్లారిటీ!
ఈ వార్తాకథనం ఏంటి
కేంద్ర ప్రభుత్వం పాన్ కార్డులను ఆధునికీకరించేందుకు పాన్ 2.0 ప్రాజెక్ట్‌కు గ్రీన్ సిగ్నల్ ఇచ్చింది.
రూ.1435 కోట్ల భారీ వ్యయంతో చేపట్టిన ఈ ప్రాజెక్ట్ ప్రధానంగా పన్ను చెల్లింపుదారులకు మెరుగైన సేవలు అందించడానికి, సాంకేతిక పరిజ్ఞానాన్ని మరింత విస్తరించేందుకు దోహదపడుతుంది.
క్యూఆర్‌ కోడ్‌‌తో కూడిన కొత్త పాన్ కార్డులు అందుబాటులోకి రానున్నాయి.
ప్రస్తుత పాన్‌కార్డుదారులకు సందేహాలు
ఈ కొత్త ప్రాజెక్ట్‌పై పాన్‌కార్డుదారుల్లో అనేక సందేహాలు వ్యక్తమవుతున్నాయి. వీటిపై ఆదాయపు పన్ను శాఖ తేలికపాటి వివరణలు ఇచ్చింది.
1. పాత కార్డుల పరిస్థితి
ప్రస్తుతం పాన్‌కార్డు ఉన్న వారికి కొత్తగా దరఖాస్తు చేసుకోవాల్సిన అవసరం లేదు.
పాన్ 2.0 వచ్చినప్పటికీ పాత కార్డులు కొనసాగుతాయి.
పాన్ నంబర్లు ఎలాంటి మార్పులు లేకుండా యథాతథంగా ఉంటాయి.
Details
2. సవరణలు చేయడం సాధ్యమేనా
పాన్ కార్డులో పేరు, చిరునామా, పుట్టిన తేదీ, మొబైల్ నంబర్, ఇ-మెయిల్ వంటి వివరాల్లో సవరణలకు అవకాశం ఉంటుంది.
ఈ సవరణలు పాన్ 2.0 తర్వాత కూడా ఉచితంగానే చేయవచ్చు.
ప్రస్తుతం ఆధార్‌ ఆధారంగా ఎన్‌ఎస్‌డీఎల్‌, యూటీఐఎస్‌ఎల్‌ వెబ్‌సైట్ల ద్వారా సవరణల ప్రక్రియ అందుబాటులో ఉంది.
3. క్యూఆర్‌ కోడ్ గురించి?
పాన్ 2.0లో క్యూఆర్‌ కోడ్ ఉండటం కొత్త విషయం కాదు.
2017-18 నుంచి జారీ చేసిన కార్డులన్నింటికీ క్యూఆర్‌ కోడ్ ఉన్నాయి.
ఈ కోడ్ స్కాన్ చేయడం ద్వారా పాన్ డేటాబేస్‌లోని వివరాలను పొందుపరచవచ్చు.
పాత పాన్ కార్డులకు క్యూఆర్‌ కోడ్ జోడించుకోవాలనుకునే వారు భవిష్యత్‌లోనూ దరఖాస్తు చేసుకోవచ్చు.
Details
ప్రాజెక్ట్ ముఖ్య ఉద్దేశాలు
పాన్ 2.0 ద్వారా పన్ను చెల్లింపుదారుల కోసం వేగవంతమైన, సురక్షితమైన సేవలను అందించడమే లక్ష్యం.
అలాగే ఆధునిక టెక్నాలజీ సాయంతో పాన్ వివరాలను మరింత సులభతరం చేయనున్నారు.
ఈ కొత్త మార్పులతో పన్ను చెల్లింపుదారులకు సేవలు మరింత మెరుగవుతాయి. పాన్ 2.0 ప్రాజెక్ట్ ఆధునికతకు మార్గదర్శకంగా నిలవనుంది.