Paytm lays off: పేటియంలో వేలాది ఉద్యోగులకు ఉద్వాసన: విజయ్ శేఖర్ శర్మ
ప్రముఖ ఫిన్‌-టెక్ కంపెనీ పేటియం బ్రాండ్‌పై ఆర్థిక సేవల్ని అందిస్తున్న వన్- 97 కమ్యూనికేషన్స్ షాకింగ్ ప్రకటన చేసింది. భారీ సంఖ్యలో ఉద్యోగుల్ని తొలగించింది. అయితే ఎందరిని తొలగించిందనే దానిపై మాత్రం కంపెనీ అధికారికంగా వెల్లడించలేదు. అంటే కచ్చితంగా సంఖ్య చెప్పలేదన్నమాట. తొలగించిన ఉద్యోగుల్ని.. ఇతర సంస్థల్లో ఉద్యోగం సాధించేందుకు తాము సాయపడుతున్నట్లు కంపెనీ ఒక ప్రకటనలో తెలిపింది. కంపెనీ తన పునర్‌వ్యవస్థీకరణ చర్యల్లో భాగంగానే ఉద్యోగ కోతలు చేపట్టాల్సి వస్తుంది. రిటైర్మెంట్ చేసిన వారికి ఇతర సంస్థల్లో ఉద్యోగం కల్పించేందుకు తోడ్పడుతున్నాం. మా HR టీమ్ 30 సంస్థలతో కలిసి పని చేస్తుంది.' అని పేటీఎం ప్రకటించింది.
పేటీఎం పై RBI ఆంక్షలతో పలు చిక్కులు
2024 మార్చి వరకు లెక్కలు చూస్తే పేటీఎం సంస్థలో 36,521 మంది పనిచేస్తున్నారు. దానికి ముందు త్రైమాసికంతో పోలిస్తే ఈ సంఖ్య 3500 వరకు తగ్గిందని చెప్పొచ్చు. పేటీఎం పేమెంట్స్ బ్యాంకుపై.. ఆర్ బి ఐ చర్యల నేపథ్యంలోనే ఆ సంస్ధ ఉద్వాసన పలికింది. ఈ క్రమంలోనే ఇప్పుడు మరోసారి ఉద్యోగులకు ఉద్వాసన పలకాలని నిర్ణయించుకుంది. పెండింగ్‌లో ఉన్న బోనస్‌లను కూడా పేటీఎం విడుదల చేసింది. పారదర్శకంగా ఉద్వాసన ప్రక్రియను చేడుతున్నట్లు కంపెనీ పేర్కొంది. పేటీఎం పేమెంట్స్ బ్యాంకుపై రిజర్వ్ బ్యాంక్ ఆంక్షల నేపథ్యంలో కంపెనీ కష్టాలు పెరిగాయి.
పరిమిత సంఖ్యలోనే ఉద్యోగులతో కొనసాగాలని నిర్ణయం
2022-23 ఆర్థిక సంవత్సరంలో రూ. 167.5 కోట్ల నష్టాల్ని ప్రకటించిన ఆ సంస్థ.. కిందటి ఆర్థిక సంవత్సరంలో చివరి త్రైమాసికంలో నష్టం రూ. 550 కోట్లకు పెరిగింది. దీంతో ఫలితాల్ని ప్రకటించిన సమయంలోనే లేఆఫ్స్ సంకేతాలు ఇచ్చింది. ఏఐ వినియోగం పెంచి తద్వారా పరిమిత సంఖ్యలోనే ఉద్యోగులతో కొనసాగాలని నిర్ణయం తీసుకుంది. ప్రాఫిటబుల్ కంపెనీగా (లాభదాయకత) మార్చడంపై పనిచేస్తున్నట్లు తెలిపింది.
కోట్ల నష్టాన్ని తగ్గించుకోవడానికి దిద్దు బాటు చర్యలు
రిజర్వ్ బ్యాంక్ ఆఫ్ ఇండియా (RBI) Paytm,అసోసియేట్ అయిన Paytm పేమెంట్స్ బ్యాంక్ లిమిటెడ్ (PPBL),కస్టమర్ల ప్రయోజనాలను దృష్టిలో ఉంచుకుంది. ఏదైనా కస్టమర్ ఖాతాలు, వాలెట్లు,ఫాస్ట్‌ట్యాగ్‌లలో డిపాజిట్లు,క్రెడిట్ లావాదేవీలు ,టాప్-అప్‌లను అంగీకరించకుండా నిషేధించింది. Paytm తన చెల్లింపుల బ్యాంకుకు సంబంధించిన లావాదేవీలపై RBI విధించిన నిషేధాన్ని అనుసరించి,జనవరి-మార్చి 2024లో రూ.550 కోట్లకు పెరిగిన నష్టాన్ని ప్రకటించింది. ఏడాది క్రితం ఇదే కాలంలో కంపెనీ రూ.167.5 కోట్ల నష్టాన్ని చవిచూసింది. తమ FY24 ఆదాయాల విడుదలలో భాగంగా, One97 కమ్యూనికేషన్స్ తన నాన్-కోర్ వ్యాపార మార్గాలను కత్తిరించనున్నట్లు పేర్కొంది .
కంపెనీ లాభదాయకతను పెంచడానికి చురుకుగా పని
AI- నేతృత్వంలోని జోక్యాల ద్వారా తక్కువ పరిణామం ఉండే సంస్థ నిర్మాణాన్ని కొనసాగించడానికి తన ప్రయత్నాలను కొనసాగిస్తుందని పేర్కొంది. కంపెనీ లాభదాయకతను పెంచడానికి చురుకుగా పని చేస్తోంది. దాని మార్గదర్శకానికి అనుగుణంగా అని ఆ ప్రకటన పేర్కొంది.
