PhysicsWallah IPO Listing: ఐపీఓకి ఊహించని డిమాండ్.. లిస్టింగ్‌లో అదరగొట్టిన ఫిజిక్స్‌వాలా
ఈ వార్తాకథనం ఏంటి
ప్రముఖ ఎడ్‌టెక్ యూనికార్న్ ఫిజిక్స్‌వాలా (PhysicsWallah IPO Listing) షేర్లు మంగళవారం స్టాక్ మార్కెట్‌లో ప్రవేశించాయి. లిస్ట్ అయిన వెంటనే దాదాపు 33% ప్రీమియంతో మంచి ఆరంభం ఇచ్చాయి. ఇష్యూ ధర రూ.109 కాగా, ఎన్‌ఎస్‌ఈలో ఇవి రూ.145 వద్ద ట్రేడింగ్ మొదలుపెట్టగా, బీఎస్‌ఈలో రూ.143.10 వద్ద ప్రారంభమయ్యాయి. ఫిజిక్స్‌వాలా ఐపీఓ (PhysicsWallah IPO)కు తొలి రోజు పెట్టుబడిదారుల స్పందన పెద్దగా లేకపోయినా, చివరి రోజున మాత్రం బిడ్డింగ్ బాగా పెరిగింది. మొత్తం 18,62,04,143 షేర్లు అందుబాటులో ఉంచగా, దానికి రెట్టింపుకంటే ఎక్కువగా 33,62,27,044 షేర్లకు డిమాండ్ వచ్చింది. సుమారు రూ.3,480 కోట్లు సమీకరించాలనే లక్ష్యంతో తీసుకువచ్చిన ఈ ఇష్యూ కోసం ఒక్కో షేర్ ధరను రూ.103 నుండి 109 మధ్యగా నిర్ణయించారు.
వివరాలు
నష్టాల్లో సూచీలు..
ఇందులో రూ.3,100 కోట్ల విలువైన కొత్త షేర్లతో పాటు, రూ.380 కోట్ల షేర్లను ప్రమోటర్లు OFS రూపంలో విక్రయించారు. మంగళవారం భారత స్టాక్ మార్కెట్లు నష్టాల్లో కదులుతున్నాయి. వరుసగా వచ్చిన లాభాల తర్వాత, ఇన్వెస్టర్లు లాభాలను బుక్ చేసుకోవడంతో సూచీలు ఒత్తిడిని ఎదుర్కొంటున్నాయి. ఉదయం 10.30 గంటల సమయానికి సెన్సెక్స్ 307 పాయింట్లు పడిపోయి 84,643 వద్ద ఉంది. నిఫ్టీ 112 పాయింట్లు తగ్గి 25,901 వద్ద ట్రేడవుతోంది. అంతర్జాతీయ మార్కెట్ల నుంచి వస్తున్న ప్రతికూల సంకేతాలు కూడా ప్రభావం చూపుతున్నాయి. సోమవారం అమెరికా మార్కెట్లు నష్టాల్లో ముగియగా, ఆసియా మార్కెట్లు కూడా అదే బలహీన ధోరణి ప్రదర్శిస్తున్నాయి.