Pixxel: గోయల్ ఔట్.. 100 మిలియన్ డాలర్ల కోసం పిక్సెల్ వేట

వ్రాసిన వారు Sirish Praharaju

May 22, 2026

05:01 pm

ఈ వార్తాకథనం ఏంటి

బెంగళూరుకు చెందిన స్పేస్‌టెక్ స్టార్టప్ పిక్సెల్ తాజాగా 80 నుంచి 100 మిలియన్ డాలర్ల వరకు నిధులు సమీకరించేందుకు పెట్టుబడిదారులతో చర్చలు జరుపుతోంది. అయితే ఈ ఫండింగ్ రౌండ్‌లో పెట్టుబడి పెట్టాలని భావించిన దీపిందర్ గోయల్ చివరి నిమిషంలో వెనక్కి తగ్గినట్లు సమాచారం. ఆయన 25 నుంచి 30 మిలియన్ డాలర్ల పెట్టుబడి పెట్టాలని ప్లాన్ చేసినప్పటికీ, ప్రస్తుతం ఆ నిర్ణయం నుంచి తప్పుకున్నారని తెలుస్తోంది. ఈ చర్చల సమయంలో కంపెనీ ప్రీ-మనీ వాల్యుయేషన్ సుమారు 400 మిలియన్ డాలర్లుగా ఉన్నట్లు నివేదికలు చెబుతున్నాయి.

వివరాలు

ఇండియన్ స్పేస్‌టెక్ రంగంపై గ్లోబల్ ఇన్వెస్టర్ల ఆసక్తి

ఇప్పటికే పిక్సెల్‌లో పెట్టుబడులు పెట్టిన GIC ఈ ఫండింగ్ రౌండ్‌లో తన వాటాను మరింత పెంచనున్నట్లు తెలుస్తోంది.

దీంతో కంపెనీపై ఇన్వెస్టర్ల నమ్మకం మరింత బలపడినట్లు కనిపిస్తోంది.

అలాగే Google, Lightspeed, Blume Ventures, Aditya Birla Ventures వంటి ప్రస్తుత పెట్టుబడిదారులు కూడా తమ వాటా మేరకు పెట్టుబడులు పెట్టే అవకాశం ఉందని సమాచారం.

ఇటీవల భారత స్పేస్‌టెక్ రంగంలో భారీగా పెట్టుబడులు వస్తున్నాయి. తాజాగా Skyroot Aerospace 60 మిలియన్ డాలర్ల ఫండింగ్ సాధించింది.

మరోవైపు Agnikul Cosmos, Digantara సంస్థలు కూడా కోట్ల డాలర్ల పెట్టుబడులను దక్కించుకున్నాయి.

దీంతో ఇండియన్ స్పేస్‌టెక్ రంగంపై గ్లోబల్ ఇన్వెస్టర్ల ఆసక్తి పెరుగుతోందని మార్కెట్ వర్గాలు చెబుతున్నాయి.

వివరాలు

కొత్త శాటిలైట్ మిషన్లకు పిక్సెల్ సిద్ధం

ఇక పిక్సెల్ త్వరలో కొత్త శాటిలైట్ మిషన్లకు సిద్ధమవుతోంది.

ఇందుకోసం కంపెనీ Sarvam AIతో భాగస్వామ్యం కుదుర్చుకుంది. 2026 చివరి త్రైమాసికంలో 200 కిలోల సామర్థ్యంతో కూడిన 'పాత్‌ఫైండర్' శాటిలైట్‌ను ప్రయోగించనున్నట్లు ప్రకటించింది.

ఈ శాటిలైట్‌లో డేటా సెంటర్ స్థాయి GPUs ఏర్పాటు చేసి, భారతీయ AI లాంగ్వేజ్ మోడల్స్‌ను నేరుగా లో ఎర్త్ ఆర్బిట్‌లో రన్ చేయనున్నారు.

అలాగే హైపర్‌స్పెక్ట్రల్ ఇమేజింగ్ డేటాను కూడా అంతరిక్షంలోనే ప్రాసెస్ చేసే టెక్నాలజీని పరీక్షించనున్నారు.