భారతదేశంలో క్యాంపాను మళ్ళీ ప్రారంభించిన రిలయన్స్
రిలయన్స్ మార్కెట్ జియోతో టెలికాం రంగంలో అద్భుతాలు ఇప్పుడు దీని కొత్త లక్ష్యం పెప్సికో, కోకా-కోలా ఆధిపత్యం చెలాయించే ఎరేటెడ్ డ్రింక్స్ మార్కెట్ లో ఆధిపత్యం. 70లు, 80వ దశకంలో బాగా పేరొందిన శీతల పానీయాల బ్రాండ్ క్యాంపాను కంపెనీ మళ్ళీ ప్రారంభించింది. ఫాస్ట్ మూవింగ్ కన్స్యూమర్ గూడ్స్ (FMCG) భారత ఆర్థిక వ్యవస్థలో నాల్గవ అతిపెద్ద రంగం. 2025 నాటికి మార్కెట్ విలువ $220 బిలియన్లకు చేరుకుంటుందని అంచనా. రిలయన్స్ ఇండస్ట్రీస్ లిమిటెడ్ (RIL) 45వ వార్షిక సమావేశంలో, ఛైర్మన్ ముఖేష్ అంబానీ తన కుమార్తె ఇషా అంబానీని గ్రూప్ రిటైల్ వ్యాపారానికి కొత్త లీడర్‌గా పరిచయం చేశారు. ఈ సంవత్సరం, FMCG వస్తువుల వ్యాపారాన్ని ప్రారంభిస్తామని ఆమె సమావేశంలో చెప్పారు.
రిలయన్స్ తన సొంత రిటైల్ దుకాణాల ద్వారా క్యాంపాను ముందుకు తీసుకువెళుతోంది
పెప్సికో, కోకా-కోలాతో పోటీపడలేక చతికిలపడిన క్యాంపా మళ్ళీ కొత్తగా మార్కెట్లోకి ప్రవేశించబోతుంది. ప్రపంచ దిగ్గజాలతో పోటీపడాలని ఉన్నప్పటికీ, ఈ కంపెనీకి బలమైన నెట్‌వర్క్‌ లేదు. ఈ విషయంలో రిలయన్స్ పూర్తిగా సహకారం అందిస్తుంది. రిలయన్స్ తన సొంత రిటైల్ దుకాణాల ద్వారా క్యాంపాను ముందుకు తీసుకువెళుతోంది. రిలయెన్స్ క్యాంపా 2-లీటర్ పానీయాలను పెప్సికో, కోకా-కోలా కన్నా రూ.20 తేడాతో దాదాపు రూ. 60కు అమ్ముతుంది. జియోకు పనిచేసిన అదే వ్యూహం క్యాంపాకు కూడా పని చేస్తుంది. క్యాంపా సిరీస్ లో క్యాంపా కోలా, క్యాంపా లెమన్, కాంపా ఆరెంజ్ ఉన్నాయి. ఉత్పత్తి 200ml, 500ml, 600ml, 1,000ml, 2,000ml సీసాలలో అందుబాటులో ఉంది.
ఈ టైమ్ లైన్ ని షేర్ చేయండి