Stock market: భారీ నష్టాలలో దేశీయ మార్కెట్ సూచీలు .. మళ్లీ 25,500 దిగువకు నిఫ్టీ
ఈ వార్తాకథనం ఏంటి
దేశీయ స్టాక్‌ మార్కెట్లలో వరుసగా కొనసాగిన లాభాలకు ఈరోజుతో విరామం వచ్చింది. గ్లోబల్‌ మార్కెట్ల నుంచి అనుకూల సంకేతాలు, అలాగే విదేశీ పెట్టుబడిదారుల కొనుగోళ్ల మద్దతు కొనసాగుతున్నప్పటికీ, ఆర్థిక, ఆటోమొబైల్‌ రంగాలకు చెందిన షేర్లలో జరిగిన అమ్మకాలు సూచీలపై ప్రతికూల ప్రభావాన్ని చూపించాయి. ముఖ్యంగా హెచ్‌డీఎఫ్‌సీ బ్యాంక్‌, ఐసీఐసీఐ బ్యాంక్‌, రిలయన్స్‌ ఇండస్ట్రీస్‌ షేర్లలో క్షీణత సెన్సెక్స్‌, నిఫ్టీ సూచీలను దిగజార్చింది. దీనివల్ల గత నాలుగు రోజులుగా కొనసాగిన లాభాలకు బ్రేక్‌ పడినట్లైంది. ఒక దశలో సెన్సెక్స్‌ 500 పాయింట్లకు పైగా నష్టపోగా, నిఫ్టీ 25,550 దిగువకు చేరింది.
వివరాలు
రూపాయి విలువ డాలర్‌తో పోలిస్తే 85.74
ఈ రోజు ఉదయం సెన్సెక్స్‌ 84,027.33 పాయింట్ల వద్ద ప్రారంభమైంది, ఇది గత ముగింపు స్థాయైన 84,058.90తో పోలిస్తే స్వల్పంగా తగ్గుదలతోనే ఉంది. రోజంతా ఈ సూచీ నష్టాల రేంజ్‌లోనే కదలిక చూపింది. ఇంట్రాడే వ్యాప్తిలో 83,482.13 నుండి 84,099.53 పాయింట్ల మధ్య ఊగిసలాడిన సెన్సెక్స్‌, చివరికి 452.44 పాయింట్లు నష్టపోయి 83,606.46 వద్ద ముగిసింది. అలాగే, నిఫ్టీ కూడా 120.75 పాయింట్లు కోల్పోయి 25,517.05 వద్ద స్థిరమైంది. ఈ నేపథ్యంలో, రూపాయి విలువ డాలర్‌తో పోలిస్తే 85.74 వద్ద నమోదైంది.
వివరాలు
అంతర్జాతీయ మార్కెట్లలో బ్రెంట్‌ క్రూడ్‌ ఆయిల్‌ ధర బ్యారెల్‌కు 67.58 డాలర్లు
సెన్సెక్స్‌-30 షేర్లలో యాక్సిస్‌ బ్యాంక్‌, కోటక్‌ మహీంద్రా బ్యాంక్‌, మారుతీ సుజుకీ, అల్ట్రాటెక్‌ సిమెంట్‌, బజాజ్‌ ఫైనాన్స్‌ వంటి కంపెనీల స్టాక్స్‌ గణనీయంగా నష్టపోయాయి. మరోవైపు, ట్రెంట్‌, స్టేట్‌ బ్యాంక్‌ ఆఫ్‌ ఇండియా (ఎస్‌బీఐ), భారత్‌ ఎలక్ట్రానిక్స్‌ లిమిటెడ్‌ (బీఈఎల్), టైటాన్‌, బజాజ్‌ ఫిన్‌సర్వ్‌ స్టాక్స్‌ లాభాల్లో ముగిశాయి. అంతర్జాతీయ మార్కెట్లలో బ్రెంట్‌ క్రూడ్‌ ఆయిల్‌ ధర బ్యారెల్‌కు 67.58 డాలర్ల వద్ద ట్రేడవుతున్నదే కాగా, బంగారం ధర ఔన్సుకు 3,299 డాలర్ల వద్ద కొనసాగుతోంది.