Stock Market: నష్టాల్లో దేశీయ స్టాక్ మార్కెట్ సూచీలు.. నిఫ్టీ@ 25,474
ఈ వార్తాకథనం ఏంటి
బుధవారం దేశీయ స్టాక్ మార్కెట్లు నష్టాల్లో ప్రారంభమయ్యాయి. గ్లోబల్ మార్కెట్లలో మిశ్రమ సంకేతాల మధ్య భారతీయ సూచీలు ప్రతికూలంగా కదులుతున్నాయి. ఉదయం 9:31 గంటల సమయంలో సెన్సెక్స్ 190 పాయింట్లు తగ్గి 83,521 వద్ద కొనసాగుతోంది. అదే సమయంలో నిఫ్టీ 47 పాయింట్ల పరాజయంతో 25,474 వద్ద ట్రేడవుతోంది. డాలరుతో పోల్చితే రూపాయి మారకం విలువ 20 పైసలు పెరిగి 85.90 వద్ద ట్రేడింగ్‌ను ప్రారంభించింది. నిఫ్టీ సూచీలో కొన్ని షేర్లు లాభాల్లో కనిపించాయి.ముఖ్యంగా హెచ్‌యూఎల్ (HUL),ఏషియన్ పెయింట్స్, సిప్లా, అదానీ ఎంటర్‌ప్రైజెస్, శ్రీరామ్ ఫైనాన్స్ షేర్లు మదుపరులకు లాభాలను అందిస్తున్నాయి. అయితే విప్రో, హెచ్‌డీఎఫ్‌సీ లైఫ్, టాటా స్టీల్, ఎస్‌బీఐ లైఫ్ ఇన్సూరెన్స్, ఐసీఐసీఐ బ్యాంక్ షేర్లు మాత్రం నష్టాల్లో ఉన్నాయి.
వివరాలు
వాణిజ్య సుంకాల కీలక నిర్ణయాలు మార్కెట్లపై ప్రభావం
మరోవైపు మంగళవారం అమెరికా మార్కెట్లు మిశ్రమంగా ముగియగా,బుధవారం ఆసియా మార్కెట్లలో కూడా అదే ధోరణి కొనసాగుతోంది. వాణిజ్య సుంకాలకు సంబంధించి తీసుకున్న కీలక నిర్ణయాలు మార్కెట్లపై ప్రభావం చూపిస్తున్నాయి. అమెరికా తొలుత జులై 9ను టారిఫ్‌ల అమలుకు గడువుగా నిర్ధారించింది. కానీ తాజాగా ఆ గడువును పొడిగిస్తూ,ఆగస్టు 1 నుంచి కొత్తగా ట్రంప్ టారిఫ్‌లను అమలు చేయనున్నట్లు ప్రకటించింది. అయితే దీనికి మించి మళ్లీ గడువు పెంచే ఆలోచన లేదని అమెరికా అధ్యక్షుడు స్పష్టం చేశారు. అంతేకాక,కాపర్ దిగుమతులపై 50శాతం సుంకం విధించనున్నట్లు వెల్లడించారు. ఫార్మాస్యూటికల్ ఉత్పత్తులపై కూడా భారీ టారిఫ్‌లు ఉండే అవకాశం ఉందని సంకేతాలు ఇచ్చారు. ఈ పరిణామాలన్నీ భారత మార్కెట్లు నష్టాలతో ట్రేడింగ్‌ను ప్రారంభించడానికి ప్రధాన కారణాలుగా నిలిచాయి.