Stock Market : ఫ్లాట్‌గా దేశీయ మార్కెట్ సూచీలు.. నిఫ్టీ @ 25,101
ఈ వార్తాకథనం ఏంటి
దేశీయ స్టాక్ మార్కెట్లు ఈ వారాన్ని ఫ్లాట్‌గా ప్రారంభించాయి. అంతర్జాతీయ మార్కెట్లలో మిశ్రమ సంకేతాలు కనిపిస్తున్న నేపథ్యంలో, మన మార్కెట్ సూచీలు కూడా స్వల్ప ఊగిసలాటలో ఉన్నాయి. ఉదయం 9.32 గంటల పరిధిలో సెన్సెక్స్ 5 పాయింట్లు క్షీణించి 81,899 వద్ద ట్రేడ్ అవుతోంది. అదే సమయంలో నిఫ్టీ 12 పాయింట్లు నష్టపోయి 25,101 వద్ద కదలుతోంది. రూపాయి మారకం విలువ డాలర్‌తో పోలిస్తే 88.29 గా ఉంది.
వివరాలు
ఏ షేర్లు ఎలా..?
నిఫ్టీ సూచీ లో హీరో మోటార్‌కార్ప్, బజాజ్ ఫైనాన్స్, టాటా మోటార్స్, మారుతీ సుజుకీ, హిందాల్కో షేర్లు లాభదాయకంగా కదలుతున్నాయి. డాక్టర్ రెడ్డీస్ ల్యాబ్స్, శ్రీరామ్ ఫైనాన్స్, సిప్లా, ఆసియన్ పెయింట్స్, బజాజ్ ఫిన్‌సర్వ్ స్టాక్స్ నష్టాల్లో ట్రేడవుతున్నాయి. గత శుక్రవారం అమెరికా మార్కెట్లు మిశ్రమ ఫలితాలతో ముగియగా, నేడు ఆసియా మార్కెట్ల సూచీలు అదే పథంలో కదలుతున్నాయి. ఈ వారంలో యూఎస్ ఫెడరల్ రిజర్వ్ (16-17 తేదీల్లో) సహా అనేక కేంద్ర బ్యాంకులు తమ విధాన నిర్ణయాలను ప్రకటించనున్నారు. ఫెడరల్ రిజర్వ్ కీలక వడ్డీ రేట్లలో 25 బేసిస్ పాయింట్లు కోత చేయవచ్చనే అంచనాలు ఉన్నాయి. ఈ నేపథ్యంలో మదుపరులు జాగ్రత్తగా వ్యవహరిస్తున్నారు.