1,000 మంది ఉద్యోగులను నియమించుకోనున్న HCLTech
గ్లోబల్ ఐటీ రంగంలో కొనసాగుతున్న తొలగింపుల మధ్య, ఒక భారతీయ కంపెనీ ఉద్యోగ నియామకాలు చేపట్టాలని నిర్ణయించుకుంది. HCLTech రాబోయే రెండేళ్లలో రొమేనియాలో 1,000 మంది ఉద్యోగులను నియమించుకోనున్నట్లు ప్రకటించింది. కంపెనీ,నివేదిక ప్రకారం, రొమేనియాలో తన కార్యకలాపాలను విస్తరిస్తున్న సందర్భంగా ప్రముఖ రోమేనియన్ విశ్వవిద్యాలయాలతో భాగస్వామ్యం ద్వారా రిక్రూట్ అయిన గ్రాడ్యుయేట్లకు కొత్త ఉద్యోగాలలో మూడవ వంతును అందిస్తుంది. HCLTech ఐదేళ్లుగా రొమేనియాలో కార్యకలాపాలు నిర్వహిస్తుంది, గ్లోబల్ క్లయింట్‌లకు సేవ చేయడానికి ఇప్పటికే దేశంలో దాదాపు 1,000 మంది ఉద్యోగులు ఉన్నారు.
రొమేనియాలో HCLTechకు ముఖ్యమైన మార్కెట్
సాంకేతికతలో స్థానిక ప్రతిభావంతులకు మరిన్ని అవకాశాలను సృష్టించేందుకు కంపెనీ బుకారెస్ట్, ఇయాసిలోని తన కార్యాలయాలను విస్తరిస్తుంది. IDCలో అసోసియేట్ కన్సల్టెంట్ అలెగ్జాండ్రా సిమియన్ మాట్లాడుతూ, రొమేనియాలో HCLTechకు ముఖ్యమైన మార్కెట్ ఉంది. వ్యాపారంలో స్థానిక సిబ్బందిని నియమించుకోవడం వలన రొమేనియాలో అభివృద్దికి దోహదపడే అవకాశం ఉంది. HCLTech తన కార్యకలాపాలను విస్తరించడానికి రొమేనియాలో ఎక్కువ మందిని నియమించుకోవాలనే ఈ చర్య దేశానికి, మొత్తం IT పరిశ్రమకు సానుకూల పరిణామం
