Rowdy Janardhana: విజయ్ దేవరకొండ సినిమాలో మలయాళ స్టార్ విలన్.. పారితోషికం ఎంతంటే?
ఈ వార్తాకథనం ఏంటి
ఇటీవల 'రణబాలి'తో సూపర్ హిట్ అందుకున్న రౌడీ హీరో విజయ్ దేవరకొండ మరో ఆసక్తికరమైన సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. ఆయన ప్రధాన పాత్రలో నటిస్తున్న పాన్ ఇండియా యాక్షన్ డ్రామా 'రౌడీ జనార్ధన'. రవికిరణ్ కోలా దర్శకత్వం వహిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ నిర్మిస్తున్నారు. ఈ సినిమాలో విలన్ పాత్రకు సంబంధించి ఓ ఆసక్తికరమైన వార్త ప్రస్తుతం ఫిల్మ్ నగర్‌లో చక్కర్లు కొడుతోంది.
వివరాలు
విలన్ పాత్ర కోసం ఇద్దరు తమిళ స్టార్లతో చర్చలు?
'రౌడీ జనార్ధన'లో ప్రతినాయకుడి పాత్ర కోసం తొలుత తమిళ స్టార్ నటుడు విజయ్ సేతుపతిని సంప్రదించినట్లు సమాచారం.
అయితే ఆయన ఈ పాత్రకు రూ.20 కోట్ల పారితోషికం డిమాండ్ చేశారట.
దీంతో మేకర్స్ మరో తమిళ నటుడు ఎస్.జే. సూర్యను సంప్రదించగా.. ఆయన రూ.15 కోట్లు అడిగినట్లు ప్రచారం జరుగుతోంది.
చివరకు జోజు జార్జ్‌కు అవకాశం?
ఇద్దరు తమిళ నటులతో చర్చల అనంతరం మలయాళ నటుడు జోజు జార్జ్‌ను విలన్ పాత్రకు ఎంపిక చేసినట్లు తెలుస్తోంది.
ఈ పాత్ర కోసం జోజు జార్జ్ తక్కువ పారితోషికమే తీసుకున్నట్లు సమాచారం. అయితే, ఈ విషయంపై చిత్ర బృందం నుంచి అధికారిక ప్రకటన రావాల్సి ఉంది.
వివరాలు
విజయ్ సరసన కీర్తి సురేష్
'రౌడీ జనార్ధన'లో విజయ్ దేవరకొండ సరసన కీర్తి సురేష్ నటిస్తున్నారు. సీనియర్ నటుడు డాక్టర్ రాజశేఖర్, సముద్రఖని కీలక పాత్రల్లో కనిపించనున్నారు.
జోజు జార్జ్ విలన్‌గా నటిస్తే ఈ ప్రాజెక్టుపై మరింత ఆసక్తి పెరిగే అవకాశం ఉంది.
విభిన్నమైన పాత్రలు, సహజమైన నటనతో గుర్తింపు తెచ్చుకున్న జోజు జార్జ్.. విజయ్ దేవరకొండతో స్క్రీన్ షేర్ చేసుకోనున్నారనే వార్త అభిమానుల్లో ఆసక్తిని రేకెత్తిస్తోంది.
విజయ్‌కు ఉన్న మాస్ ఇమేజ్‌ను మరింత బలపరిచేలా ఈ సినిమాను యాక్షన్ డ్రామాగా తెరకెక్కిస్తున్నట్లు తెలుస్తోంది.