టాలీవుడ్ లో రీ రిలీజుల పర్వం: అక్కినేని నాగార్జున మన్మథుడు సినిమా మళ్ళీ విడుదల
టాలీవుడ్ లో రిలీజ్ ల పర్వం కొనసాగుతోంది. హీరోల పుట్టినరోజులను పురస్కరించుకొని పాత సినిమాలను మళ్లీ విడుదల చేస్తున్నారు. తాజాగా అక్కినేని నాగార్జున నటించిన మన్మథుడు చిత్రం మళ్ళీ విడుదలకు సిద్ధమవుతోంది. 2002 డిసెంబర్ 20వ తేదీన విడుదలైన ఈ చిత్రం బాక్సాఫీస్ వద్ద మంచి విజయాన్ని నమోదు చేసుకుంది. దేవిశ్రీప్రసాద్ అందించిన సంగీతం, త్రివిక్రమ్ అందించిన కథ, మాటలు, విజయ భాస్కర్ దర్శకత్వంలో వచ్చిన ఈ సినిమాను కుటుంబ ప్రేక్షకులు విపరీతంగా ఆదరించారు. ప్రస్తుతం నాగార్జున పుట్టినరోజు సందర్భంగా ఆగస్టు 29వ తేదీన మన్మథుడు సినిమా మళ్లీ రిలీజ్ అవుతుంది. ఈ మేరకు అధికారికంగా ప్రకటన వచ్చేసింది. ఈ సినిమాలో సోనాలి బింద్రే, అన్షు హీరోయిన్లుగా నటించారు.
